ମାଲକାନଗିରି:କରୋନା ସଂକ୍ରମଣ ବଢୁଥିବା ବେଳେ ପ୍ରଶାସନ ପକ୍ଷରୁ ନିଆଯାଉଛି ବିଭିନ୍ନ ପଦକ୍ଷେପ । ବିଭିନ୍ନ ଜିଲ୍ଲାଗୁଡିକରେ ନାଇଟକର୍ଫ୍ୟୁ ସହିତ ସପ୍ତାହନ୍ତ ସଟଡାଉନ କରାଯାଉଛି । ମାଲକାନଗିରି ଜିଲ୍ଲାରେ ମଧ୍ୟ ଶନିବାର ଓ ରବିବାର ଦୁଇଦିନ ବନ୍ଦ ରହିଛି । ଦୋକାନ ବଜାର ସବୁ ବନ୍ଦ ଥିବା ବେଳେ ଲୋକଙ୍କୁ ଘରୁ ନବାହାରିବାକୁ ପରାମର୍ଶ ଦିଆଯାଇଛି । ବିଭିନ୍ନ ସ୍ଥାନରେ କରୋନା ସଂକ୍ରମଣ ବଢୁଥିବା ବେଳେ ବିଭିନ୍ନ ଜିଲ୍ଲା ଗୁଡିକରେ ନାଇଟକର୍ଫ୍ୟୁ ଜାରି ରହିଛି । ଅନ୍ୟ ଜିଳ୍ଲା ଭଳି ମାଲକାନଗିରିରେ ମଧ୍ୟ ନାଇଟକର୍ଫ୍ୟୁ ସହିତ ଛତିଶଗଡ଼ ସୀମାକୁ ସିଲ୍ କରିଦିଆଯାଇଛି । ତା ସହିତ ଶନିବାରଠୁ ଆରମ୍ଭ ହୋଇଛି ସପ୍ତାହନ୍ତ ସଟ୍ଡାଉନ୍ । ଶନିବାର ଓ ରବିବାର ଦୁଇ ଦିନ ମାଲାକାନଗିରି ଜିଲ୍ଲାପାଳ ଜିଲ୍ଲାର ବାଲିମେଳା ଓ କାଲିମେଳା ଆଦି ୩ଟି ସହରକୁ ଉଇକ୍ଏଣ୍ଡ ସଟଡାଉନ୍ ଘୋଷଣା କରିଛନ୍ତି । ଜିଲ୍ଲାର ୩ଟି ସହରରେ ଦୋକାନ ବଜାର ସମ୍ପୁର୍ଣ୍ଣ ବନ୍ଦ ରହିଥିବା ବେଳେ ଯାନବାହାନ ଚଳାଚଳ ମଧ୍ୟ ବନ୍ଦ ରହିଛି । ବିଭିନ୍ନ ଛକ ସ୍ଥାନ ମାନଙ୍କରେ ପୁଲିସ ଓ ପ୍ରଶାସନ ଅଧିକାରୀ ଜଗି ରହିଛନ୍ତି । ନିୟମ ଖିଲାପକାରୀଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯାଉଛି । ଏମିତିକି ଅମାନିଆଙ୍କଠାରୁ ଫାଇନ୍ ବି ଆଦାୟ କରାଯାଉଛି । ଲୋକଙ୍କୁ ଘରୁ ନବାହାରିବା ସହିତ ସଚେତନ ରହିବା ପରାମର୍ଶ ଦିଆଯାଉଛି ।
Comments are closed.