ନୂଆଦିଲ୍ଲୀ: କରୋନାର ଦ୍ୱିତୀୟ ଲହରକୁ ନେଇ ଦେଶରେ ଏବେ ହାହାକାର ସ୍ଥିତି । ଏଭଳି ସ୍ଥିତିରେ ଭାରତରେ ଆଉ ଏକ ନୂଆ ସଂକ୍ରମଣ ଚିନ୍ତା ବଢ଼ାଇଲାଣି । ଯାହାକୁ ବ୍ଲାକ ଫଙ୍ଗସ୍ ବା ମ୍ୟୁକରମାଇକୋସିସ୍ ରୋଗ ବୋଲି କୁହାଯାଉଛି । ଦିଲ୍ଲୀରେ ଚିକିତ୍ସାଧୀନ କରୋନା ଆକ୍ରାନ୍ତଙ୍କ ପାଖରେ ଏହି ସଂକ୍ରମଣ ଦେଖିବାକୁ ମିଳିଛି । କରୋନାର ପ୍ରଥମ ଲହର ବେଳେ ବି ବ୍ଲାକ ଫଙ୍ଗସ୍ ମାମଲା ସାମନାକୁ ଆସିଥିଲା । ଏହି କାରଣରୁ ବହୁ ଲୋକଙ୍କ ଜୀବନ ବି ଯାଇଥିଲା ।
ମ୍ୟୁକରମାଇକୋସିସ୍ କ’ଣ ?
ଦିଲ୍ଲୀ ସାର ଗଙ୍ଗାରାମ ହସ୍ପିଟାଲର ବରିଷ୍ଠ ଇଏଣ୍ଟଟି ଡାକ୍ତର ମନୀଷ ମୁଞ୍ଜାଳ କହିଚନ୍ତି, ଗତ ସପ୍ତାହେ ଭିତରେ ୬ଟି ମ୍ୟୁରପମାଇକୋସିସ୍ କେସ୍ ଆସିଛି । ବ୍ଲକ ଫଙ୍ଗସରେ ସଂକ୍ରମିତ ହେଲେ ରୋଗୀ ଦୃଷ୍ଟିଶକ୍ତି ହରାଇ ବସୁଛନ୍ତି । ବିଶେଷ କରି କରୋନାରୁ ସୁସ୍ଥ ହେଉଥିବା ଅବସ୍ଥାରେ ଏହି ଫଙ୍ଗଲ ଇନଫେକସନ୍ ହେଉଛି । ଜଣେ କରୋନା ଆକ୍ରାନ୍ତଙ୍କ ଆଖି, ନାକ, ଗଳା ଓ ମସ୍ତିସ୍କକୁ ସଂକ୍ରମିତ କରୁଛି । କରୋନାରୁ ସୁସ୍ଥ ହେବା ପରେ ବି ଏଥିରେ ସଂକ୍ରମିତ ହେଉଛନ୍ତି ।

କେଉଁମାନଙ୍କୁ ହେଉଛି ବ୍ଲାକ ଫଙ୍ଗସ ?
ବିଶେଷ କରି ମଧୁମେହ, କିଡନୀ, କ୍ୟାନସର କିମ୍ବା ହୃଦରୋଗରେ ପୀଡ଼ିତଙ୍କୁ ବ୍ଲାକ ଫଙ୍ଗସ ହେବାର ଅଧିକ ସମ୍ଭାବନା । ବିଶେଷଜ୍ଞଙ୍କ ମତରେ କୋଭିଡ୍ ଚିକିତ୍ସା ବେଳେ ଅଧିକ ପରିମାଣର ଷ୍ଟିରଏଡ୍ ଦେବା ଫଙ୍ଗଲ ଇନଫେକସନର ଏକ କାରଣ ହୋଇପାରେ । ଏହା ଏକ ପ୍ରାଣଘାତୀ ସଂକ୍ରମଣ । ରୋଗ ପ୍ରତିରୋଧକ ଶକ୍ତି ହ୍ରାସ ହେବାରୁ ମ୍ୟୁକାରମାଇକୋସିସ୍ ହେଉଛି ।
ଶରୀରରେ କେମିତି ପ୍ରବେଶ କଲେ ?
ବିଶେଷଜ୍ଞଙ୍କ ମତରେ ବ୍ଲାକ ଫଙ୍ଗସ ବାୟୁରେ ଥାଏ । ନାକ ଦେଇ ଶରୀରରେ ପ୍ରବେଶ କରେ । ମସ୍ତିସ୍କକୁ ଶୀଘ୍ର ପହଞ୍ଚିଯାଏ । ଏଥିରେ ମୃତ୍ୟୁହାର ୫୦ ପ୍ରତିଶତ ।

ବ୍ଲାକ ଫଙ୍ଗସ ସଂକ୍ରମଣର ଲକ୍ଷଣ
– ନାକ ଭିତର ଶୁଖିଯିବା ଭଳି ଲାଗିବା
– ନାକ ଭିତରେ କଳା ଓ ବାଦାମୀ ରଙ୍ଗର ଘା’ ହେବା
– ନାକ ବନ୍ଦ ହୋଇଯିବା
– ଆଖି ଫୁଲିଯିବା
– ଆଖିର ରଙ୍ଗ ଲାଲ ପଡ଼ିଯିବା
– ଆଖିକୁ ଝାପସା ଦେଖାଯିବା
– ମୁଣ୍ଡ ବିନ୍ଧା, ସାଇନସ୍ ସମସ୍ୟା

କେମିତି କରିବେ ଚିକିତ୍ସା ?
କରୋନା ଆକ୍ରାନ୍ତ ବ୍ଲାକ ଫଙ୍ଗସ ସଂକ୍ରମିତ ହୋଇଛନ୍ତି ବୋଲି ପ୍ରଥମେ ଡାକ୍ତର ନିଶ୍ଚିତ ହେବେ । ବହୁଦିନ ହସ୍ପିଟାଲରେ ରହିବେ ଆକ୍ରାନ୍ତ । ଆଇସିୟୁ ଓ ଭେଣ୍ଟିଲେଟର ଆବଶ୍ୟକ । ରୋଗୀଙ୍କୁ କଡ଼ା ଆଣ୍ଟି ଫଙ୍ଗସ ମେଡିସିନ୍ ଦିଆଯାଏ । କିନ୍ତୁ ସେଥିରେ ଯେ ରୋଗ ସମ୍ପୂର୍ଣ୍ଣ ଭଲ ହୋଇଯିବା ସେ ଗ୍ୟାରେଣ୍ଟି କାହା ପାଖରେ ନାହିଁ । ମେଡିସିନରେ ଭଲ ନହେଲେ ଶରୀରର ସଂକ୍ରମିତ ହୋଇଥିବା ଅଂଶକୁ କାଟି ବାହାର କରିବାକୁ ହେବ ।
BREAKING NEWS
- ଏହି ଗାଁର ଅଧା ଗ୍ରାମବାସୀଙ୍କ କିଡ଼ନୀ ଖରାପ….ଖୁବ୍ଶୀଘ୍ର ହେବ ପାଣି ନମୁନା ସଂଗ୍ରହ
- ନେତାନ୍ୟାହୁଙ୍କୁ କ୍ଷମତାଚ୍ୟୁତ କରିବାକୁ ଏକାଠି ହେଲେ ଇସ୍ରାଏଲର ୫ ବିରୋଧୀ ନେତା; କହିଲେ- ସରକାର ଗଠନ ‘ସର୍ବୋଚ୍ଚ ପ୍ରାଥମିକତା’
- ରାଜଧାନୀରେ ମର୍ମନ୍ତୁଦ ସଡକ ଦୁର୍ଘଟଣା;କାର୍ ଧକ୍କାରେ ବାଇକ୍ ଆରୋହୀ ମୃତ, ୩ ଅଟକ
- Violence grips Bangladesh:ହିଂସାର ନିଆଁରେ ଜଳୁଛି ବାଂଲାଦେଶ;ୟୁନୁସଙ୍କ ପୈତୃକ ଘରେ ଲଗାଇଦେଲେ ନିଆଁ; ୨୮ ଜିଲ୍ଲାରେ ବୋମା ବିସ୍ଫୋରଣ
- Delhi Airport Terminal 3: ଦିଲ୍ଲୀ ବିମାନବନ୍ଦରରେ ଜବରଦସ୍ତି ପ୍ରବେଶ କରିବାକୁ ଉଦ୍ୟମ; କିଛି ସେକେଣ୍ଡ ମଧ୍ୟରେ ସନ୍ଦିଗ୍ଧକୁ କାବୁ କଲେ CISF ଯବାନ
- ମଦ ନିଶା ଛଡ଼ାଇବା ନାଁରେ ଦିଆଗଲା ‘ହର୍ବାଲ୍ ପାନୀୟ’; ମଧ୍ୟପ୍ରଦେଶରେ ୨ ମୃତ, ୫ ଗୁରୁତର, ୩ ଗିରଫ
- ବାତ୍ୟା ‘ଅକ୍ୱାନ୍’ ପାଇଁ ହାଇଆଲର୍ଟ: ସହରାଞ୍ଚଳ ନିୟନ୍ତ୍ରଣ କକ୍ଷ କାର୍ଯ୍ୟକ୍ଷମ, ବିପଦ ସମୟରେ ତୁରନ୍ତ ଡାଏଲ୍ କରନ୍ତୁ ୧୯୨୯
- ଗର୍ବ ଓ ଗୌରବର ମୁହୂର୍ତ୍ତ: ଘୋଷିତ ହେଲା ରାଜ୍ୟସ୍ତରୀୟ ‘ଦେବଗିରି ସମ୍ମାନ’
- ସମ୍ଭାବ୍ୟ ବାତ୍ୟା ଅକ୍ୱାନ୍ର ସମୀକ୍ଷା କଲେ ମୁଖ୍ୟମନ୍ତ୍ରୀ: ଫୋକସରେ ଜିରୋ କାଜୁଆଲିଟି
- ସମ୍ଭାବ୍ୟ ବାତ୍ୟା ‘ଅକ୍ୱାନ୍’ ମୁକାବିଲା ପାଇଁ ସମ୍ବେଦନଶୀଳ ଜିଲ୍ଲାରେ ବରିଷ୍ଠ ଯନ୍ତ୍ରୀ ଅଧିକାରୀ ନିୟୋଜିତ
Comments are closed.