କରୋନା ବିରୋଧୀ ଲଢେଇରେ ସମଗ୍ର ବିଶ୍ୱ ପ୍ରତି ମୋଦୀଙ୍କ ପଦକ୍ଷେପ ପ୍ରଶଂସାଯୋଗ୍ୟ; ‘ହୁ’ ମୁଖ୍ୟ

ନୂଆଦିଲ୍ଲୀ: କରୋନା ବିରୋଧରେ ଲଢେଇରେ ଅବଦାନ ପାଇଁ ଭାରତକୁ ବିଶ୍ୱ ସ୍ୱାସ୍ଥ୍ୟ ସଂଗଠନ (WHO) ଦ୍ୱାରା ପ୍ରଶଂସା କରାଯାଇଛି। WHO ମହାନିର୍ଦ୍ଦେଶକ ଟେଡ୍ରୋସ୍ ଆଡନୋମ୍ ଗେବ୍ରେସର୍ସ ଶନିବାର ଦିନ କରୋନା ବିରୋଧରେ ଚାଲିଥିବା ବିଶ୍ୱସ୍ତରୀୟ ସଂଗ୍ରାମରେ ଉଲ୍ଲେଖନୀୟ ଅବଦାନ ପାଇଁ ଭାରତକୁ ଧନ୍ୟବାଦ ଦେଇଛନ୍ତି। ସେ ଟୁଇଟ୍ କରି କହିଛନ୍ତି ଯେ କରୋନା ବିରୋଧରେ ବିଶ୍ୱସ୍ତରୀୟ ସଂଗ୍ରାମକୁ କ୍ରମାଗତ ଭାବେ ସମର୍ଥନ କରିଥିବାରୁ ଭାରତ ଏବଂ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ଧନ୍ୟବାଦ… ଯଦି ଆମେ ଏକାଠି କାମ କରିବା ଏବଂ ପରସ୍ପର ସହିତ  ଜଡ଼ିତ ରହିବା ତେବେ ନିଶ୍ଚିତ ଭାବରେ ଏହି ମହାମାରୀକୁ ପରାସ୍ତ କରି ଆମେ ଜୀବନ ରକ୍ଷା କରିପାରିବା।