ଲକ୍ଷ୍ନୈା: ହାଥରସର ଏକ ସତସଙ୍ଗରେ ଘଟିଥିବା ଦଳଚକଟା ଘଟଣାର ମୁଖ୍ୟ ଅଭିଯୁକ୍ତ ଦେବ ପ୍ରକାଶ ମଧୁକରଙ୍କୁ ଉତ୍ତରପ୍ରଦେଶ ପୁଲିସ ଶୁକ୍ରବାର ଗିରଫ କରିଛି।
ହାଥରସ୍ ଦଙ୍ଗା ମାମଲାରେ ୟୁପି ପୁଲିସ ୬ ଜଣଙ୍କୁ ଗିରଫ କରିବାର ଦିନକ ପରେ ଏଭଳି ଘଟଣା ସାମ୍ନାକୁ ଆସିଛି। ଏମାନେ ସମସ୍ତେ ସତସଙ୍ଗ ଆୟୋଜନରେ ନିୟୋଜିତ ଆୟୋଜକ କମିଟିର ସଦସ୍ୟ ବୋଲି ପୁଲିସ କହିଛି। ମଙ୍ଗଳବାର ହାଥରସରେ ଆତ୍ମଘୋଷିତ ବାବା ନାରାୟଣ ସକର ହରି ବା ଭୋଲେ ବାବା ଏହି ଧାର୍ମିକ ସଭାକୁ ପରିଚାଳନା କରିଥିଲେ।
ଏତଲା ଅନୁଯାୟୀ, ମୁଖ୍ୟ ଅଭିଯୁକ୍ତ ଭାବେ ଦେବ ପ୍ରକାଶ ମଧୁକରଙ୍କୁ ପୁଲିସ ଚିହ୍ନଟ କରିଛି। ମଧୁକର କେଉଁଠି ଅଛନ୍ତି ସେ ସମ୍ପର୍କରେ ସୂଚନା ଦେବା ପାଇଁ ପୁଲିସ ୧ ଲକ୍ଷ ଟଙ୍କାର ପୁରସ୍କାର ଘୋଷଣା କରିଥିଲା। ପୁଲିସ ପକ୍ଷରୁ ରୁଜୁ ହୋଇଥିବା ଏତଲା ଅନୁଯାୟୀ, ପ୍ରଶାସନ ୮୦ ହଜାର ଲୋକଙ୍କୁ ଅନୁମତି ଦେଇଥିବା ସତ୍ତ୍ୱେ ୨ ଲକ୍ଷ ୫୦ ହଜାରରୁ ଅଧିକ ଲୋକ ଧାର୍ମିକ ସମାବେଶରେ ଯୋଗ ଦେଇଥିଲେ।
ଏତଲା ଅନୁଯାୟୀ, ସତସଙ୍ଗ ଆୟୋଜକମାନେ ପ୍ରମାଣ ଲୁଚାଇ କାର୍ଯ୍ୟକ୍ରମରେ ପ୍ରକୃତ ଲୋକଙ୍କ ସଂଖ୍ୟା ଲୁଚାଇବାକୁ ଚେଷ୍ଟା କରିଥିଲେ ଏବଂ ଭୋଲେ ବାବାଙ୍କ ଅନୁଗାମୀମାନଙ୍କ ଚପଲ ଏବଂ ଅନ୍ୟାନ୍ୟ ଜିନିଷକୁ ନିକଟସ୍ଥ କ୍ଷେତରେ ଫିଙ୍ଗି ଦେଇଥିଲେ।
ଅନେକ ଶ୍ରଦ୍ଧାଳୁ ଭୋଲେ ବାବାଙ୍କ ପାଦୁକା ନେବା ପାଇଁ ଦୌଡ଼ୁଥିବା ବେଳେ ଏହି ଅଘଟଣ ଘଟିଥିଲା। ଏହି ପାଦୁକା ସେମାନଙ୍କର ସମସ୍ତ ରୋଗକୁ ଭଲ କରିପାରିବ ବୋଲି ସେମାନେ ବିଶ୍ୱାସ କରନ୍ତି।
ଏହି ଘଟଣାରେ ତଦନ୍ତ କରୁଥିବା ଏସଆଇଟି କହିଛି, ଘଟଣାସ୍ଥଳରେ ମୁତୟନ ହୋଇଥିବା ଫୋର୍ସରେ ସତସଙ୍ଗ ବାହାରେ ମାତ୍ର କିଛି ପୁଲିସ ମୁତୟନ ହୋଇଥିବା ଏସଆଇଟି ନିଜ ରିପୋର୍ଟରେ କହିଛି। ରାଜପଥ ଅବରୋଧ ନ ହେବା ପାଇଁ ଅଧିକାଂଶ ଫୋର୍ସ ରାସ୍ତାରେ ଭିଡ଼ ନିୟନ୍ତ୍ରଣ ଏବଂ ଟ୍ରାଫିକ୍ ପରିଚାଳନାରେ ନିୟୋଜିତ ଥିଲେ। ଏସଆଇଟି ତାଙ୍କ ରିପୋର୍ଟରେ ଅନୁମତି ସର୍ତ୍ତ ଉଲ୍ଲଂଘନ ପାଇଁ ତଥ୍ୟ ଲୁଚାଇବା ପାଇଁ ଆୟୋଜକ ଅଧିକାରୀଙ୍କୁ ଦାୟୀ କରିଛି।
ଘଟଣାସ୍ଥଳରେ ଉପସ୍ଥିତ ଥିବା ପୁଲିସ-ପ୍ରଶାସନିକ ଅଧିକାରୀମାନେ ପରିସ୍ଥିତିର ଆକଳନ କରି ପାରୁ ନ ଥିବାରୁ ଅବହେଳା କରୁଥିବା ଦେଖିବାକୁ ମିଳିଛି। ଏହି ମାମଲାର ତଦନ୍ତ କରୁଥିବା ଏସଆଇଟି ଏପର୍ଯ୍ୟନ୍ତ ୯୦ଟି ବୟାନ ରେକର୍ଡ କରି ପ୍ରାଥମିକ ରିପୋର୍ଟ ଦାଖଲ କରିଛି। ଏନେଇ ବିସ୍ତୃତ ରିପୋର୍ଟ ପ୍ରସ୍ତୁତ କରାଯାଉଛି।