ନୂଆଦିଲ୍ଲୀ: କରୋନା ମହାମାରୀର ନୂତନ ଭ୍ୟାରିଆଂଟର ନାମ ଓମିକ୍ରନ ରଖାଯାଇଛି । ବିଶ୍ୱ ସ୍ୱାସ୍ଥ୍ୟ ସଂଗଠନ (ହୁ)ର ଏହି ନାମକରଣକୁ ନେଇ ଏବେ ବିବାଦ ଉପୁଜିଛି । ନୂତନ ଭ୍ୟାରିଆଂଟର ନାମ ଏନୟୁ କିମ୍ବା ଏକ୍ସଆଇରୁ ଆରମ୍ଭ ହୋଇଥାନ୍ତା । ଅଥଚ ୟୁ ଏହାକୁ ଡେଇଁ ଓମିକ୍ରନ କାହିଁକି ଦେଲା ସେ ନେଇ ପ୍ରଶ୍ନବାଚୀ ସୃଷ୍ଟି ହୋଇଛି । ଚୀନ ରାଷ୍ଟ୍ରପତିଙ୍କ ନାମ ଏକ୍ସଆଇରୁ ଆରମ୍ଭ ହୋଇଥିବାରୁ ଝାମେଲାରେ ନ ପଡିବା ପାଇଁ ହୁ ଏହି ପଦକ୍ଷେପ ଗ୍ରହଣ କରିଛି ନା ପରୋକ୍ଷରେ ଚୀନ ଏବଂ ଏହାର ରାଷ୍ଟ୍ରପତିଙ୍କୁ ଭୟ କରୁଛି ।
ହାଭାର୍ଡ ମେଡିକାଲ ସ୍କୁଲର ଭେଷଜ ପ୍ରଫେସର ମାର୍ଟିନ କୁଲଡ୍ରୋଫ ଏ ନେଇ ଟୁଇଟରରେ ତାଙ୍କ ମତ ରଖିଛନ୍ତି । ଏହାକୁ ନୁ ଭ୍ୟାରିଆଂଟ ବୋଲି ଲେଖା ଯାଇ ପାରିଥାନ୍ତା ଅଥଚ ହୁ ଏକ୍ସଆଇ ନାମକୁ ଏଡାଇବାକୁ ଚାହୁଁଥିଲା । ତେବେ ଏହାର ପ୍ରକୃତ କାରଣ ନେଇ ହୁ ପକ୍ଷରୁ ସ୍ପଷ୍ଟୀକରଣ ଆସି ନାହିଁ ।
Comments are closed.