କୋଲକାତା: ପଶ୍ଚିମବଙ୍ଗରେ ମମତା ବାନାର୍ଜୀଙ୍କ ନେତୃତ୍ୱାଧିନ ତୃଣମୂଳ କଂଗ୍ରେସ ‘ଏକଲା ଚଲୋ’ ନୀତିକୁ ଆଧାର କରି ନିର୍ବାଚନୀ ମୈଦାନରେ ପ୍ରବେଶ କରିଛି। ବିରୋଧୀ ଦଳର ସହଯୋଗୀ ‘ଇଣ୍ଡିଆ ମେଣ୍ଟ’ ଟିଏମସି-କଂଗ୍ରେସ ମଧ୍ୟରେ ଆସନ ବୁଝାମଣା ପ୍ରସଙ୍ଗରେ କୌଣସି ଆଲୋଚନା ହୋଇନାହିଁ। ଏଭଳି ପରିସ୍ଥିତିରେ ଟିଏମସି ରବିବାର ଅର୍ଥାତ ମାର୍ଚ୍ଚ ୧୦ ତାରିଖରେ ୪୨ଟି ଆସନରେ ପ୍ରାର୍ଥୀ ଘୋଷଣା କରି କଂଗ୍ରେସ ପାଇଁ ସଂକଟ ସୃଷ୍ଟି କରିଛି। ପଶ୍ଚିମବଙ୍ଗ କଂଗ୍ରେସ ସଭାପତି ଅହିର ରଂଜନ ଚୌଧୁରୀଙ୍କ ବେହରାମପୁର ଲୋକସଭା ଆସନ ପାଇଁ ଟିଏମସି ଜଣାଶୁଣା ପୂର୍ବତନ କ୍ରିକେଟର ୟୁସୁଫ ପଠାନଙ୍କୁ ପ୍ରାର୍ଥୀ କରିଛି।
ବାସ୍ତବରେ, ବେହରାମପୁର ଲୋକସଭା ଆସନ ଅଧିର ରଂଜନ ଚୌଧୁରୀଙ୍କ ପାରମ୍ପାରିକ ଆସନ ଭାବେ ବିବେଚନା କରାଯାଇଛି। ୧୯୯୯ ମସିହାରୁ ଏହି ଆସନରୁ ସେ କ୍ରମାଗତ ଭାବେ ନିର୍ବାଚିତ ହୋଇଛନ୍ତି। ସେ ଲଗାତାର ୫ ଥର ଏହି ଆସନରୁ ନିର୍ବାଚନ ଜିତିଛନ୍ତି। ତେବେ କଂଗ୍ରେସ ପୂର୍ବରୁ ଏହି ଆସନ ଆରଏସପି ଧାରଣ କରିଥିଲା।
ଟିଏମସି ବର୍ତ୍ତମାନ କ୍ରିକେଟ୍ ଜଗତର ଜଣାଶୁଣା ଚେହେରା ୟୁସୁଫ୍ ପଠାନଙ୍କୁ ଏଠାରୁ ପ୍ରାର୍ଥୀ କରିଛି। ଅଧିର ରଂଜନ ଚୌଧୁରୀ ଏବଂ କଂଗ୍ରେସ ପାଇଁ ବଡ ସମସ୍ୟା ଉପୁଜିଛି। ବର୍ତ୍ତମାନର ସାଂସଦ ଏବଂ ପୂର୍ବତନ କ୍ରିକେଟରଙ୍କ ମଧ୍ୟରେ ନିର୍ବାଚନ ପ୍ରତିଯୋଗିତା ଅତ୍ୟନ୍ତ କୌତୁହଳପୂର୍ଣ୍ଣ। କଂଗ୍ରେସ ଏପର୍ଯ୍ୟନ୍ତ ଆନୁଷ୍ଠାନିକ ଭାବେ ଅଧିର ରଂଜନ ଚୌଧୁରୀଙ୍କ ନାମ ଘୋଷଣା କରିନାହିଁ। ପଶ୍ଚିମବଙ୍ଗର ଆସନଗୁଡ଼ିକରେ କଂଗ୍ରେସ ଏପର୍ଯ୍ୟନ୍ତ ନାମ ଘୋଷଣା କରିନାହିଁ।
ବେହରାମପୁରରେ ୫୨ ପ୍ରତିଶଥ ମୁସଲିମ ଭୋଟର
୨୦୧୧ ଜନଗଣନା ଅନୁଯାୟୀ ଯଦି ଆମେ ଏହି ଆସନରେ ମୁସଲମାନ ଜନସଂଖ୍ୟା ବିଷୟରେ କହିବା, ବେହରାମପୁର ଲୋକସଭା ଆସନରେ ପ୍ରାୟ ୫୨ ପ୍ରତିଶତ ମୁସଲମାନ ଭୋଟର ଅଛନ୍ତି। ଏହା ସହିତ ୩.୨ ପ୍ରତିଶତ ଏସସି ଏବଂ ୦.୯ ପ୍ରତିଶତ ଏସଟି ଭୋଟର ଅଛନ୍ତି। ମୁସଲମାନ ଭୋଟକୁ ହାତେଇବା ଲକ୍ଷ୍ୟରେ ମମତା ବାନାର୍ଜୀ ଏହି ଆସନରେ ୟୁସୁଫ ପଠାନଙ୍କୁ ପ୍ରାର୍ଥୀ କରିବା ସହିତ ଅଧିର ରଞ୍ଜନ ଚୌଧୂରୀଙ୍କ ପାଇଁ ସମସ୍ୟା ସୃଷ୍ଟି କରିବାକୁ ପ୍ରୟାସ ଆରମ୍ଭ କରିଛନ୍ତି।
Comments are closed.