ନୂଆଦିଲ୍ଲୀ: ଇଣ୍ଡଷ୍ଟ୍ରିର ସବୁଠାରୁ ଲୋକପ୍ରିୟ ଦମ୍ପତି ବିରାଟ କୋହଲି ଏବଂ ଅନୁଷ୍କା ଶର୍ମା ଗତ ଫେବୃଆରୀ ୧୫ ତାରିଖରେ ତାଙ୍କ ପରିବାରକୁ ଜଣେ ନୂତନ ସଦସ୍ୟଙ୍କୁ ସ୍ୱାଗତ କରିଛନ୍ତି । ବିରାଟ, ଅନୁଷ୍କା, ଭାମିକାଙ୍କ ସହ ଯୋଡି ହୋଇଯାଇଛନ୍ତି ବିରୁଷ୍କାଙ୍କ ପୁଅ ଅକାୟ । ଅକାୟ ଲଣ୍ଡନରେ ଜନ୍ମଗ୍ରହଣ କରିଥିଲେ । ତେବେ ବିରାଟ-ଅନୁଷ୍କାଙ୍କ ପୁଅ ଭାରତର ନାଗରିକତା ପାଇବ ନାଁ ବ୍ରିଟେନର ସେ ନେଇ ଏବେ ଚାରିଆଡେ ଚର୍ଚ୍ଚା । ଏହାରିଭିତରେ ଆମେ ଆପଣଙ୍କୁ କହିବାକୁ ଯାଉଛୁ ଯେ, ବ୍ରିଟେନରେ ନାଗରିକତା ଗ୍ରହଣ କରିବା ପାଇଁ କେଉଁ କେଉଁ ନିୟମ ରହିଛି …
ଲଣ୍ଡନରେ ଜନ୍ମଗ୍ରହଣ କରିଥିବା ଅକାୟଙ୍କ ପିତାମାତା ବିରାଟ କୋହଲି ଏବଂ ଅନୁଷ୍କା ଶର୍ମାଙ୍କର ମଧ୍ୟ ସେଠାରେ ନିଜସ୍ଵ ସମ୍ପତ୍ତି ରହିଛି । କିନ୍ତୁ ବ୍ରିଟେନରେ ନାଗରିକତା ପାଇବା ଏତେ ମାତ୍ରାରେ ସହଜ ନୁହେଁ | ବାସ୍ତବରେ, ବ୍ରିଟେନର ନିୟମ ଅନୁଯାୟୀ, ସେଠାରେ ନାଗରିକତା ପାଇବା ପାଇଁ, ପିତାମାତାମାନଙ୍କ ମଧ୍ୟରୁ ଜଣେ ଅର୍ଥାତ୍ ପିତା କିମ୍ବା ମାତା ବ୍ରିଟେନର ନାଗରିକ ହେବା ନିହାତି ଆବଶ୍ୟକ । ଯଦି ପିଲାର ପିତାମାତା ଦୀର୍ଘ ଦିନ ଧରି ସେହି ସ୍ଥାନରେ ରହିଆସୁଛନ୍ତି ତଥାପି ମଧ୍ୟ ସେମାନଙ୍କ ପିଲାଙ୍କୁ ବ୍ରିଟେନର ନାଗରିକତା ମିଳିପାରିବ ନାହିଁ । ଏଥି ସହିତ, ଯଦି କୌଣସି ବ୍ୟକ୍ତି ଉତ୍ତମ ସ୍ଵାସ୍ଥ୍ୟବସ୍ଥା ପାଇଁ ବ୍ରିଟେନ ଯାଇଛନ୍ତି, ତେବେ ମଧ୍ୟ ସେ ସେଠାରେ ନାଗରିକତା ପାଇପାରିବେ ନାହିଁ । ବିରାଟ ଏବଂ ଅନୁଷ୍କାଙ୍କ ପୁଅ ଅକାୟଙ୍କ ଘଟଣା ମଧ୍ୟ କିଛି ଏହି ପରି । କିନ୍ତୁ ତାଙ୍କୁ ୟୁକେର ପାସପୋର୍ଟ ନିଶ୍ଚୟ ମିଳିପାରିବ ।
ବ୍ରିଟେନରେ ନାଗରିକତା ପାଇବା ପାଇଁ କିଛି ନିୟମ ରହିଛି । ଜଣେ ବ୍ୟକ୍ତି ସେଠାରେ ଏକ ବୈଧ ଭିସା ସାହାର୍ଯ୍ୟରେ ପାଞ୍ଚ ବର୍ଷ ରହିବା ଉଚିତ୍ । ଯଦି ଜଣେ ବ୍ୟକ୍ତି ଏପରି କରନ୍ତି ତେବେ ସେ ସେଠାକାର ନାଗରିକତ୍ୱ ପାଇଁ ଆବେଦନ କରିପାରିବେ । ଏହା ପରେ, ସେହି ବ୍ୟକ୍ତିଙ୍କୁ ଇଂରାଜୀ ଏବଂ ସାଧାରଣ ଜୀବନ ସହିତ ଜଡିତ ସାଧାରଣ ଜ୍ଞାନର ପରୀକ୍ଷା ଦେବାକୁ ପଡିବ । କିନ୍ତୁ ବର୍ତ୍ତମାନ ନିୟମରେ ପରିବର୍ତ୍ତନ ପରେ, ଲୋକ ସେଠାରେ ପାଞ୍ଚ ବର୍ଷ ଏକ ବୈଧ ଭିସାରେ ରହିବା ପରେ ତାଙ୍କୁ ଏକ ଅସ୍ଥାୟୀ ନାଗରିକତା ଦିଆଯାଉଛି ।
ଯଦି କେହି ବ୍ରିଟେନର ସ୍ଥାୟୀ ନାଗରିକତା ଚାହୁଁଛନ୍ତି ତେବେ ତାଙ୍କୁ ସେଠାରେ ପଏଣ୍ଟ ସିଷ୍ଟମ ଦେଇ ଯିବାକୁ ପଡିବ | ଯେଉଁଥିରେ ସେହି ବ୍ୟକ୍ତିଙ୍କୁ ବିଭିନ୍ନ ପ୍ରସଙ୍ଗରେ କିଛି ପଏଣ୍ଟ ଦିଆଯାଏ | ଯଦି ସେ କୌଣସିଥିରେ ବିଫଳ ହୁଅନ୍ତି ତା’ହେଲେ ତାଙ୍କ ପଏଣ୍ଟ ମଧ୍ୟ କଟାଯାଇଥାଏ । ଯଦି ସେ ଏହି ପଏଣ୍ଟ ନିୟମରେ ସଫଳ ହୁଅନ୍ତି ତେବେ ସେ ସେଠାକାର ସ୍ଥାୟୀ ନାଗରିକତା ପାଇପାରିବେ । ବ୍ରିଟେନରେ ସ୍ଥାୟୀ ନାଗରିକତା ହାସଲ କରିବାର ଅନ୍ୟ ଏକ ନିୟମ ମଧ୍ୟ ରହିଛି । ଯଦି ଜଣେ ବ୍ୟକ୍ତି ବ୍ରିଟେନର ଝିଅ କିମ୍ବା ପୁଅକୁ ବିବାହ କରନ୍ତି, ତେବେ ସେ ସେଠାକାର ସ୍ଥାୟୀ ନାଗରିକତା ପାଇପାରିବେ । କିନ୍ତୁ ଏଥିପାଇଁ ମଧ୍ୟ କିଛି ଭିନ୍ନ ନିୟମ ଅଛି |