ସାଲେପୁର: ଥାନା ଆଗରେ ଦେହରେ ନିଆଁ ଲଗାଇଲେ ମହିଳା । ମାହାଙ୍ଗା ଥାନା ଆଗରେ ନିଜ ଦେହରେ ପେଟ୍ରୋଲ ଢାଳି ଆତ୍ମହତ୍ୟା ଉଦ୍ୟମ କରିଛନ୍ତି ମହିଳା ଜଣଙ୍କ । ଗୁରୁତର ଅବସ୍ଥାରେ ମହିଳାଙ୍କୁ କଟକ ଏସସିବି କୁ ସ୍ଥାନାନ୍ତର କରାଯାଇଛି । ମହିଳାଙ୍କ ଶରୀରରେ ୫୪ ପ୍ରତିଶତ ପୋଡି ଯାଇଛି ।
ତେବେ ଆତ୍ମହତ୍ୟା ଉଦ୍ୟମ କରିଥିବା ଏହି ମହିଳା ଜଣକ ହେଲେ ରଶ୍ମିତା ଦାସ । ଗତକାଲି ଚୋରି ମାମଲାରେ ରଶ୍ମିତାଙ୍କ ସ୍ୱାମୀ ଶଙ୍କର ଦାସଙ୍କୁ ପୋଲିସ ଗିରଫ କରିଥିଲା । ସ୍ବାମୀଙ୍କୁ ନିର୍ଦ୍ଦୋଷ କହି ବହୁ ବୁଝାଇଥିଲେ ମହିଳା ଜଣକ । ହେଲେ ପୋଲିସ ନ ଶୁଣିବାରୁ ଥାନା ଆଗରେ ଏଭଳି କାଣ୍ଡ ଭିଆଇଛନ୍ତି ରଶ୍ମିତା ।
ତାଙ୍କୁ ସଙ୍ଗେ ସଙ୍ଗେ ଗୁରୁତର ଅବସ୍ଥାରେ ଉଦ୍ଧାର କରାଯାଇ ମାହାଙ୍ଗା ମେଡିକାଲ୍ରେ ଭର୍ତ୍ତି କରାଯାଇଥିଲା । ସେଠାରେ ତାଙ୍କ ସ୍ୱାସ୍ଥ୍ୟ ଅବସ୍ଥା ଗୁରୁତର ହେବାରୁ କଟକ ବଡ଼ ମେଡ଼ିକାଲ୍ କୁ ସ୍ଥାନାନ୍ତରିତ କରାଯାଇଛି ।
Comments are closed.