ମୁମ୍ବାଇ: ମହାରାଷ୍ଟ୍ରରେ ମୁମ୍ବାଇର ନାଗରିକ ସଂସ୍ଥା ଦ୍ୱାରା କରାଯାଇଥିବା ଏକ ସେରୋ ସର୍ଭେରୁ ଜଣାପଡିଛି ଯେ କରୋନାଭାଇରସ୍ ସହିତ ଲଢିବା ପାଇଁ ପୁୁରୁଷଙ୍କ ଅପେକ୍ଷା ମହିଳାଙ୍କଠାରେ ଅଧିକ ଆଣ୍ଟିବଡି ରହିଥାଏ।
ଏହା ମଧ୍ୟ ଦର୍ଶାଇଛି ଯେ ସହରାଞ୍ଚଳରେ ସେରୋ ପଜିଟିଭିଟି ବଢୁଥିବାବେଳେ ବସ୍ତି ଅଞ୍ଚଳରେ ଏହା ହ୍ରାସ ପାଉଛି। ସିରୋ ପଜିଟିଭିଟିରେ ଏକ ରକ୍ତ ପରୀକ୍ଷା କରାଯାଏ, ଯେଉଁଥିରେ ଏକ ନିର୍ଦ୍ଦିଷ୍ଟ ଆଣ୍ଟିବଡି ପାଇଁ ଏକ ସକାରାତ୍ମକ ଫଳାଫଳ ଦେଖାଏ।
ବିଏମ୍ସି ସର୍ଭେ ଅନୁଯାୟୀ ମହିଳାଙ୍କ ମଧ୍ୟରେ ସେରୋ ପଜିଟିଭିଟି ୩୭.୧୨ ପ୍ରତିଶତ ଥିଲା ଏବଂ ପୁରୁଷଙ୍କଠାରେ ୩୫.୦୨ ପ୍ରତିଶତ ରହିଥିଲା।
ଗତ ବର୍ଷ ଜୁଲାଇରେ ହୋଇଥିବା ପ୍ରଥମ ସର୍ଭେରେ ତିନୋଟି ୱାର୍ଡର ବସ୍ତି ଅଞ୍ଚଳରେ ୫୭ ପ୍ରତିଶତ ସେରୋ ପଜିଟିଭିଟି ଦେଖାଯାଇଥିବାବେଳେ ଅଗଷ୍ଟ ମାସରେ ୪୫ ପ୍ରତିଶତ ସେରୋ ପଜିଟିଭିଟି ଦେଖାଯାଇଥିଲା।
Comments are closed.