ଭୁବନେଶ୍ୱର: ଓଡିଶା ଟିମ ସୁରଟରେ ଚାଲିଥିବା ଜାତୀୟ ମହିଳା ଟି୨୦ ଚାମ୍ପିୟନଶିପ କ୍ରିକେଟର ସେମିଫାଇନାଲରେ ପ୍ରବେଶ କରିଛି । ଥିରୁୱନ୍ତପୁରମରେ ଅନୁଷ୍ଠିତ ଏଲିଟ ଗ୍ରୁପ ବିର ସମସ୍ତ ମ୍ୟାଚ ଜିତିବା ପରେ ସୁରଟରେ ଓଡିଶା ୧୩ ରନରେ ହରିୟାଣାକୁ ପରାସ୍ତ କରିଥିଲା । ଓଡିଶା ମେ ୨ରେ ହେବାକୁ ଥିବା ସେମି ଫାଇନାଲ ମୁକାବିଲାରେ ରେଲୱେକୁ ଭେଟିବ । ଅନ୍ୟ ଏକ ମୁକାବିଲାରେ ବରୋଦାକୁ ଭେଟିବ ମହାରାଷ୍ଟ୍ର ।
ପ୍ରଥମେ ବ୍ୟାଟିଂ କରି ଓଡିଶା ୨୦ ଓଭରରେ ୬ ୱିକେଟ ହରାଇ ୧୫୧ ରନ କରିଥିଲା । ମାଧୁରୀ ମେହେଟ୍ଟା ୫୫ ବଲରୁ ୬୬ ରନ ସଂଗ୍ରହ କରିଥିଲେ । ଜବାବରେ ହରିୟାଣା ନିର୍ଦ୍ଧାରିତ ଓଭରରେ ୮ ୱିକେଟ ହରାଇ ୧୩୮ ରନ କରିବାକୁ ସକ୍ଷମ ହୋଇଥିଲା । ସୁଜାତା ମଲିକ ଓ ରୋସନାରା ପରୱିନ ୨ଟି ଲେଖାଁଏ ୱିକେଟ ହାସଲ କରିଥିଲେ । ଏହି ମ୍ୟାଚରେ ଓଡିଶା ଉଭୟ ବ୍ୟାଟିଂ ଓ ବୋଲିଂରେ ଚମତ୍କାର ପ୍ରଦର୍ଶନ କରିଥିଲା ।
Comments are closed.