ବିଶ୍ୱବ୍ୟାପୀ ୨୪ ଘଣ୍ଟାରେ ୫.୦୭ ଲକ୍ଷ ନୂଆ କରୋନା ସଂକ୍ରମିତ ଚିହ୍ନଟ

ନୂଆଦିଲ୍ଲୀ: ଭାରତ, ଆମେରିକା, ବ୍ରିଟେନ ସମେତ ଅନେକ ଦେଶରେ କରୋନା ଭୂତାଣୁକୁ ହ୍ରାସ କରିବା ପାଇଁ ଟିକା ଅନୁମୋଦନ କରାଯାଇଛି ଏବଂ କେତେକ ଦେଶରେ ଟୀକାକରଣ ଆରମ୍ଭ ମଧ୍ୟ ହୋଇଛି। କିନ୍ତୁ ତଥାପି କରୋନା ସଙ୍କଟ ସମ୍ପୂର୍ଣ୍ଣ ଦୂର ହୋଇନାହିଁ। ଗତ ୨୪ ଘଣ୍ଟା ମଧ୍ୟରେ ଦୁନିଆରେ ୫.୦୭ ଲକ୍ଷ ନୂତନ ମାମଲା ପଞ୍ଜିକୃତ ହୋଇଛି ଏବଂ ୭.୦୯୭ ସଂକ୍ରମିତ ଲୋକ ପ୍ରାଣ ହରାଇଛନ୍ତି। ମୋଟ ସଂକ୍ରମିତଙ୍କ ସଂଖ୍ୟା ୮ କୋଟି ୫୪ ଲକ୍ଷ ଅତିକ୍ରମ କରିଛି। ବର୍ତ୍ତମାନ ପର୍ଯ୍ୟନ୍ତ ୧୮ ଲକ୍ଷ ୫୦ ହଜାରରୁ ଅଧିକ ଲୋକ କରୋନା ଭୂତାଣୁ ଯୋଗୁଁ ମୃତ୍ୟୁ ବରଣ କରିଛନ୍ତି। ତେବେ ଏହି ବିପଜ୍ଜନକ ରୋଗରୁ ୬୦ ନିୟୁତ ଲୋକ ଆରୋଗ୍ୟ ଲାଭ କରିଛନ୍ତି। ସମୁଦାୟ ସାଢେ ଆଠ କୋଟି ମଧ୍ୟରୁ ୨ କୋଟି ୩୧ ଲକ୍ଷ ଲୋକ ସଂକ୍ରମିତ ହୋଇ ଚିକିତ୍ସିତ ହେଉଛନ୍ତି।