ମାଞ୍ଚେଷ୍ଟର୍: ବିଶ୍ୱକପର ପ୍ରଥମ ସେମିଫାଇନାଲ୍ ଭାରତ ଓ ନ୍ୟୁଜିଲାଣ୍ଡ ମଧ୍ୟରେ ଅନୁଷ୍ଠିତ ହେଉଥିଲା ବେଳେ ପ୍ରବଳ ବର୍ଷା ଯୋଗୁଁ ଖେଳରେ ବାଧା ସୃଷ୍ଟି ହୋଇ ଖେଳ ଅଧାରୁ ବନ୍ଦ ରହିଛି । ବୁଧବାର ଦିନ ମ୍ୟାଚର ଅବଶିଷ୍ଟାଂଶ ଖେଳାଯିବାକୁ ସ୍ଥିର ହୋଇଛି । ବୁଧବାର ଦିନ ଭାରତୀୟ ସମୟ ୩ଟା ବେଳେ ଯେଉଁଠୁ ଖେଳ ଅଟକି ରହିଥିଲା ପୁନର୍ବାର ସେହିଠାରୁ ଖେଳ ଅନୁଷ୍ଠିତ ହେବ ।
CWC’19 semi-final: Rain halts match, New Zealand to resume at 211/5 against India on Wednesday
Read @ANI Story | https://t.co/D9fJubZ9w6 pic.twitter.com/lmHNxVqcYF
— ANI Digital (@ani_digital) July 9, 2019
ବର୍ଷା ଦ୍ୱାରା ଖେଳ ବାଧାପ୍ରାପ୍ତ ହୋଇ ଖେଳ ବନ୍ଦ ରହିବା ସମୟରେ ନ୍ୟୁଜିଲାଣ୍ଡ ୪୬.୧ ଓଭରରେ ୫ ୱିକେଟ ହରାଇ କରିଥିଲା ୨୧୧ ରନ୍ । ସେତେବେଳକୁ ରସ ଟେଲର୍ ୬୭ ଏବଂ ୱିକେଟ ରକ୍ଷକ ଲାଥାମ୍ ୩ ରନ କରି କ୍ରିଜରେ ବ୍ୟାଟିଂ କରୁଥିଲେ । ବୁଧବାର ଦିନ ଏହିଠାରୁ ଖେଳ ଆରମ୍ଭ ହେବାକୁ ଆସିସିସି ନିୟମ ଅନୁଯାୟୀ ହେବ । ଅର୍ଥାତ ନ୍ୟୁଜିଲାଣ ୪୬.୨ ଓଭରରୁ ଖେଳ ଆରମ୍ଭ କରିବ ।
New Zealand finished the day 211/5 before rain spoiled the party after 46.1 overs with play to resume at 10:30am (BST) tomorrow.
Watch all the highlights so far ?#BACKTHEBLACKCAPS | #TeamIndia | #CWC19 pic.twitter.com/9sXskhGAOD
— ICC (@ICC) July 9, 2019
ଟସ୍ ଜିତି ନ୍ୟୁଜିଲାଣ୍ଡ ଅଧିନାୟକ କେନ୍ ୱିଲିୟମସନ ପ୍ରଥମେ ବ୍ୟାଟିଂ କରିବାକୁ ନିଷ୍ପତ୍ତି । ନେଇଥିଲେ । ଭାରତୀୟ ବୋଲରଙ୍କୁ ସାମ୍ନା କରିନପାରି କିୱି ଦଳର ଓପନିଂ ବ୍ୟାଟ୍ସମ୍ୟାନ ସହଳ ଆଉଟ ହୋଇଯାଇଥିଲେ । ଏମ ଗୁପ୍ତିଲ୍ ମାତ୍ର ୧ ରନ କରିଥିବା ବେଳେ ଯଶପ୍ରୀତ ବୁମରାଙ୍କ ଶୀକାର ହୋଇଥିଲେ । ନିକୋଲ୍ସ ୨୮ ରନ କରି ରବୀନ୍ଦ୍ର ଜାଡ଼େଜାଙ୍କ ଶୀକାର ହୋଇଥିଲେ । କପ୍ତାନ ୱିଲିୟମସନ ୬୭ ଏବଂ ରୋଜ୍ ଟେଲର୍ ୬୭ ରନ ସଂଗ୍ରହ କରିଥିଲେ । ଜେ ନିଶାମ ୧୨ ରନ, ଗ୍ରାଣ୍ଡହୋମ ୧୬ ରନ ଏବଂ ଲାଥାମ ୩ ରନ କରିଥିଲେ ।
ଏହି ମ୍ୟାଚରେ ସମସ୍ତ ଭାରତୀୟ ବୋଲର ମାପଚୁପ ବୋଲିଂ କରିଥିବାର ଦେଖାଯାଇଛି । ଭୁବନେଶ୍ୱର କୁମାର, ବୁମରା, ହାର୍ଦ୍ଦିକ ପାଣ୍ଡ୍ୟା, ରବୀନ୍ଦ୍ର ଜାଡ଼େଜା ଏବଂ ଚହଲ୍ ଗୋଟିଏ କରି ୱିକେଟ ଅକ୍ତିଆର କରିଛନ୍ତି ।
ଏଠାରେ ଉଲ୍ଲେଖଯୋଗ୍ୟ, ମଙ୍ଗଳବାର ଦିନ ମାଞ୍ଚେଷ୍ଟର୍ ଓଲ୍ଡଟ୍ରାଫେଡ଼ ଷ୍ଟାଡ଼ିୟମରେ ଅନୁଷ୍ଠିତ ହେଉଥିବା ଭାରତ-ନ୍ୟୁଜିଲାଣ୍ଡ ବିଶ୍ୱକପ ସେମିଫାଇନାଲ୍ ମ୍ୟାଚ୍ ବର୍ଷା ଯୋଗୁଁ ଖେଳରେ ବାଧା ସୃଷ୍ଟି ହୋଇଥିଲା । ନ୍ୟୁଜିଲାଣ୍ଡ ୪୬.୧ ଓଭର ବ୍ୟାଟିଂ କରିସାରିଥିବା ବେଳେ ପ୍ରବଳ ବର୍ଷା ଯୋଗୁଁ ଖେଳ ସ୍ଥଗିତ ରହିଥିଲା ।