ଚୁରୁ (ରାଜସ୍ଥାନ): ରାଜସ୍ଥାନର ଚୁରୁଠାରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଜନସଭାକୁ ସମ୍ବୋଧିତ କରି କହିଛନ୍ତି, ଭାରତୀୟ ବାୟୁସେନା ପାକିସ୍ତାନରେ ଥିବା ଦୁର୍ଦ୍ଦାନ୍ତ ଆତଙ୍କବାଦୀଙ୍କ ଶିବିରକୁ ଧ୍ୱଂସ କରିବା ଏକ ସମୁଚିତ ପଦକ୍ଷେପ । ସମଗ୍ର ବିଶ୍ୱବାସୀ ଦେଖିଲେ ଭାରତ ପ୍ରଚଣ୍ଡ ଶକ୍ତି ବୋଲି କହିଛନ୍ତି ମୋଦୀ ।
ଜନସଭାକୁ ସମ୍ବୋଧିତ କରିବା ଅବସରରେ ମୋଦୀ ପାକିସ୍ତାନର ନାମ ନନେଇ କହିଛନ୍ତି, ଆପଣମାନେ ଆଜି ବେଶ୍ ଖୁସି ଅନୁଭବ କରୁଥିବେ । ମୁଁ ଆପଣମାନଙ୍କ ଜୋସ୍ ଦେଖି ବୁଝିପାରୁଛି । “ଆଜ୍ ଆପକା ମିଜାଜ୍ କୁଛ୍ ଔର୍ ଲଗ୍ ରହା ହୈ, ଆପକା ୟେ ଜୋସ୍ ମେ ବଲି ଭାନ୍ତି ସମଝ୍ ରହା ହୁଁ,” ବୋଲି କହିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ।
मानवता के दुश्मनों से धरती को बचाने के लिए प्रभु की शक्ति हमारे साथ हमेशा रहती है।
यही संदेश हम पूरी प्रामाणिकता के साथ दुष्ट आत्माओं, असुरों को देने का प्रयास कर रहे हैं: PM
— PMO India (@PMOIndia) February 26, 2019
“ଆଜି ସମଗ୍ର ବିଶ୍ୱ ଭାରତ ଶକ୍ତିକୁ ହିଁ ନିରୀକ୍ଷଣ କରିଥିବା ଆପଣମାନେ ଲକ୍ଷ୍ୟ କରିଥିବେ,” ବୋଲି କହିଛନ୍ତି ମୋଦୀ ।
“ରାଜସ୍ଥାନର ଚୁରୁ ର ମାଟିରୁ ମୁଁ ଆପଣମାନଙ୍କୁ ଦେଶବାସୀଙ୍କୁ ଆଶ୍ୱାସନା ଦେଉଛି ଯେ, ଆପଣମାନେ ନିର୍ଭୟରେ ଅଛନ୍ତି, ଦେଶମାତୃକାଠାରୁ କୌଣସି ଜିନିଷ ବଡ଼ ନୁହେଁ,” ଏହା କହିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ।
सौगंध मुझे इस मिट्टी की, मैं देश नहीं झुकने दूंगा… pic.twitter.com/XJkxa1HLQR
— Narendra Modi (@narendramodi) February 26, 2019
ଭାରତୀୟ ବୈଦେଶିକ ସଚିବ ବିଜୟ ଗୋଖଲେ ପୂର୍ବରୁ ଏକ ପ୍ରେସମିଟରେ କହିଛନ୍ତି, ଭାରତୀୟ ବାୟୁସେନା ପକ୍ଷରୁ ଆକାଶ ମାର୍ଗରୁ ବୋମା ବିସ୍ଫୋରଣ କରି ପାକିସ୍ତାନର ଖାଇବର ପାକତୁନଖ୍ୱା ଅଞ୍ଚଳ ନିକଟସ୍ଥ ବାଲାକୋଟରେ ଥିବା ଜୈସ-ଇ-ମହମ୍ମଦ ଆତଙ୍କବାଦୀ କ୍ୟାମ୍ପକୁ ସମ୍ପୂର୍ଣ୍ଣ ଧ୍ୱସ୍ତ ବିଧ୍ୱସ୍ତ କରିଦିଆଯାଇଛି ।
ଏହି ବିରାଟ ଆତଙ୍କବାଦୀ କ୍ୟାମ୍ପଟି ପାହାଡ଼ର ସୁଉଚ୍ଚ ସ୍ଥାନରେ ଘଞ୍ଚ ଜଙ୍ଗଲ ଓ ଦୁର୍ଗମ ସ୍ଥାନରେ ଥିଲା । ଏହି ଆତଙ୍କୀ କ୍ୟାମ୍ପଟି ଜୈସ-ଇ-ମହମ୍ମଦର ପ୍ରତିଷ୍ଠାତା ମାସୁଦ ଆଝାରର ଶାଳକ ଚଳାଉଥିବା ସୂଚନା ମିଳିଛି । ଭାରତୀୟ ବାୟୁସେନାର ମିରେଜ-୨୦୦୦ ଯୁଦ୍ଧ ବିମାନ ଦ୍ୱାରା ଏହି ଆକ୍ରମଣ କରାଯାଇଥିବା ବୈଦେଶିକ ସଚିବ ସ୍ପଷ୍ଟ କରିଥିଲେ ।
Comments are closed.