ଓଡ଼ିଶା ସମ୍ବାଦ ବ୍ୟୁରୋ; ଯେକୌଣସି ବ୍ୟକ୍ତି ଆପଣଙ୍କ ପ୍ରତି ଆକୃଷ୍ଟ ହେବା ପାଇଁ ପ୍ରଥମେ ଆପଣଙ୍କ ତ୍ୱଚାର ସୌନ୍ଦର୍ଯ୍ୟ ଦେଖିବା ସହ ଆପଣଙ୍କ ଚେହେରାର ଚମକକୁ ଦେଖିଥାଏ। ଚେହେରାରେ ଚମକ ଆଣିବା ପାଇଁ ଓ ତ୍ୱଚାକୁ ସୁନ୍ଦର କରିବା ପାଇଁ ଯୋଗାସନ ହେଉଛି ଏକ ସହଜ ଓ ପ୍ରାକୃତିକ ଉପାୟ। ଯୋଗାସନ କରିବା ଦ୍ୱାରା ତ୍ୱଚାକୁ ରକ୍ତ ସଞ୍ଚାଳନ ଠିକ ଭାବେ ହେବା ସହ ତ୍ୱଚାର କୋଷଗୁଡ଼ିକ ଉଚିତ ପରିମାଣରେ ନ୍ୟୁଟ୍ରିଆଣ୍ଟ୍ସ ପାଆନ୍ତି ଏବଂ ଟକ୍ସିନ ମଧ୍ୟ ବାହାରି ଯାଇଥାଏ । ଏହାଦ୍ୱାରା ତ୍ୱଚାର ମାନ୍ଦାପଣ ଓ ବ୍ରଣ ମଧ୍ୟ ବନ୍ଦ ହୋଇଥାଏ। ତେବେ ଆସନ୍ତୁ ଜାଣିବା ୫ଟି ଯୋଗାସନ ବିଷୟରେ ଯାହା ଆପଣଙ୍କ ତ୍ୱଚାକୁ ସୁନ୍ଦର କରିବାରେ ସାହାର୍ଯ୍ୟ କରେ ।
ଶୀର୍ଷାସନ
ଶୀର୍ଷାସନ କରିବା ଦ୍ୱାରା ମୁହଁ ଓ ମସ୍ତିଷ୍କକୁ ଠିକ ଭାବେ ରକ୍ତ ସଞ୍ଚାଳନ ହୋଇଥାଏ। ରକ୍ତ ସଞ୍ଚାଳନ ଠିକ ଭାବେ କରି ଏହା ତ୍ୱଚା ଖରାପ ହେଉଥିବା ଜିନିଷକୁ ଅଟକାଇବା ସହ ଚେହରୋରେ ପଡ଼ୁଥିବା ଗାରକୁ କମ କରିଥାଏ। ଯେହେତୁ ଏହା ମାଧ୍ୟାକର୍ଷଣ ଶକ୍ତିର ପ୍ରଭାବକୁ ରୋଧ କରିଥାଏ,ଏହା ଚେହେରାରେ ମଧ୍ୟ ଚମକ ଆଣିଥାଏ।
ଧନୁରାସନ
ଧନୁରାସନ ହଜମକ୍ରିୟା ସକ୍ରିୟ ହେବା ସହ ଫୁସଫୁସକୁ ଅଧିକ ଅମ୍ଳଜାନ ପହଞ୍ଚାଇଥାଏ। ଏହା ମେରୁଦଣ୍ଡକୁ ମଧ୍ୟ ଆରାମ ଦେଇଥାଏ। ଏହାଦ୍ୱାରା ରକ୍ତରୁ ବିଷାକ୍ତ ଜିନିଷ ବାହାରିଥାଏ ଓ ତ୍ୱଚାକୁ ଶୁଦ୍ଧ ଓ ନିର୍ମଳ କରିଥାଏ।
ହଳାସନ
ଏହି ଯୋଗାସନ ଥାଇରଏଡ ଗ୍ଲାଣ୍ଡକୁ ସନ୍ତୁଳିତ ରଖିବା ସହ ହର୍ମୋନକୁ ନିୟନ୍ତ୍ରିତ କରିଥାଏ।
ଅନୁଲୋମବିଲୋମ ଓ କପାଳଭାତି
ନିୟମିତ ଅନୁଲୋମବିଲୋମ ଓ କପାଳଭାତି ଅଭ୍ୟାସ କରିବା ଦ୍ୱାରା ଶରୀରରେ ବାୟୁ ଚଳାଚଳ ଠିକ ରହିବା ସହ ତ୍ୱଚାର ଔଜ୍ଜଲ୍ୟ ବୃଦ୍ଧି ପାଇଥାଏ । ଏହାଦ୍ୱାରା ଆପଣଙ୍କ ତ୍ୱଚା ମସୃଣ ଓ ସତେଜ ଦେଖାଯିବ। ଏହା ଶରୀରକୁ ସ୍ଫୁର୍ତ୍ତି ଦେବା ସହ ମସ୍ତିଷ୍କର ସ୍ନାୟକୁ ସକ୍ରିୟ କରିଥାଏ।
ଭରଦ୍ୱାଜାସନ
ଏହି ଆସନ କରିବା ଲାଗି ଟିକିଏ କଷ୍ଟ ହୋଇଥାଏ, ମାତ୍ର ଏହାର ଲାଭ ଅନେକ। ଏହା ମେରୁଦଣ୍ଡକୁ ଶକ୍ତ କରିବା ସହ ତ୍ୱଚାକୁ ସତେଜ କରିଥାଏ।
Comments are closed.