ଆଇସିସି ଟେଷ୍ଟ ଚାମ୍ପିୟନଶିପ ଫାଇନାଲ ପାଇଁ କଡା ହେଲା କଟକଣା

ନୂଆଦିଲ୍ଲୀ: କରୋନାର ପ୍ରକାପ ଦେଖିବା ପରେ ୧୮ରୁ ୨୨ ଜୁନ ପର୍ଯ୍ୟନ୍ତ ହେବାକୁ ଥିବା ଆଇସିସି ଟେଷ୍ଟ ଚାମ୍ପିୟନଶିପ ଫାଇନାଲ ପାଇଁ କଟକଣାକୁ ଆହୁରି କଡା କରାଯାଇଛି । ବିସିସିଆଇ ଓ ନ୍ୟୁଜିଲାଣ୍ଡ ବୋର୍ଡଙ୍କୁ କରୋନା ପ୍ରୋଟୋକଲ ମାନିବା ପାଇଁ ନିର୍ଦ୍ଦେଶ ଦେଇଛି । ଭାରତୀୟ ଟିମ୍ ପ୍ରଥମେ ମୁମ୍ବାଇରେ ପଂହଚିବ । ସେଠାରେ କୌଣସି ଖେଳାଳି କାହାକୁ ଭେଟି ପାରିବେ ନାହିଁ । ୭ ଦିନ ଆଇସୋଲେଶନରେ ରହିବା ପରେ ସମସ୍ତଙ୍କ କରୋନା ଟେଷ୍ଟିଂ କରାଯିବ । ଯଦି କୌଣସି ଖେଳାଳି ରିପୋର୍ଟ ପଜିଟିଭ ଆସେ ତାହାହେଲେ ତାଙ୍କୁ କ୍ୱାରେଂଟାଇନରେ ରଖାଯିବ । ୭ ଦିନ ପରେ ସମସ୍ତ ରିପୋର୍ଟ ନେଗେଟିଭ ଆସିବା ପରେ ଖେଳାଳିଙ୍କୁ ଏକତ୍ର କରାଯିବ । ହୋଟେଲ ଷ୍ଟାଫ, ବସ ଡ୍ରାଇଭର ଏବଂ ଅନ୍ୟମାନେ ୭ଦିନ ପୂର୍ବରୁ ବାୟେବବଲରେ ରହିବେ । ଏହା ପରେ ପ୍ରତି ୨ ଦିନରେ ସେମାନଙ୍କ କରୋନା ଟେଷ୍ଟ କରାଯିବ । ସମସ୍ତ ରିପୋର୍ଟ ନେଗେଟିଭ ଆସିବା ପରେ ପୁନର୍ବାର ସପ୍ତାହେ କ୍ୱାରେଂଟାଇନରେ ରହିବେ । ଏଠାରେ ମଧ୍ୟ ୩ ଥର ଟେଷ୍ଟ କରାଯିବ । ଶେଷରେ ଏକ ଚାର୍ଟାଡ ପ୍ଲେନରେ ଖେଳାଳିମାନେ ଇଂଲଣ୍ଡ ଯିବେ । ସେଠାରେ ଅଲଗା ଅଲଗା ହୋଟେଲରେ ପୁନର୍ବାର ୧୦ ଦିନ କ୍ୱାରେଂଟାଇନରେ ରହିବେ । ଖେଳାଳିମାନେ ଅଭ୍ୟାସ କରିପାରିବେ କିନ୍ତୁ ବାହାରକୁ ଯାଇ ପାରିବେ ନାହିଁ । କ୍ୱାରେଂଟାଇନ ପରେ ଷ୍ଟାଡିୟମ ନିକଟରେ ଥିବା ହୋଟେଲରେ ରହିବେ ।