ଲଣ୍ଡନ:ବିଭିନ୍ନ ଦେଶ ବୁଲିବା ପାଇଁ ଅନେକ ଲୋକଙ୍କ ସଉକ୍ ଥାଏ । କିନ୍ତୁ ଦୁନିଆକୁ ଭ୍ରମଣ କରିବା ପାଇଁ ଆପଣଙ୍କୁ ମଧ୍ୟ ଟଙ୍କା ଖର୍ଚ୍ଚ କରିବାକୁ ପଡିବ । ସେଥିଲାଗି କିଛି ଲୋକ ବର୍ଷ ଆରମ୍ଭରୁ ନିଜର ରୋଜଗାର ଟଙ୍କାରୁ କିଛି ସଞ୍ଚୟ କରି ରଖିଥାନ୍ତି । ଆଉ କିଛି ଲୋକ ଧାରକରଜ ଓ ଲୋନ୍ କରି ମଧ୍ୟ ନିଜ ସଉକ ପୂରଣ କରିଥାନ୍ତି । ଏବେ ଜଣେ ମହିଳା ୩ଟି ଦେଶ ଭ୍ରମଣ କରି ଫେରିଛନ୍ତି । ତାହାପୁଣି ମାତ୍ର ୫ ହଜାର ଟଙ୍କାରେ । ସେ କିପରି ଏତେ କମ୍ ଟଙ୍କାରେ ବୁଲିପାରିଲେ ସେନେଇ ତାଙ୍କର ଅଭିଜ୍ଞତାକୁ ସୋସିଆଲ ମିଡ଼ିଆରେ ସେୟାର କରିଛନ୍ତି ।
ଲଣ୍ଡନରେ ରୁହନ୍ତି ୨୯ ବର୍ଷୀୟା ସାବିନା ଟ୍ରୋଜାନୋଭା । ତାଙ୍କର ବିଭିନ୍ନ ଦେଶ ବୁଲିବା ବହୁତ ସଉକ । ନିକଟରେ ସେ ମାତ୍ର ୫ ହଜାର ଟଙ୍କାରେ ୩ଟି ଦେଶ ଭ୍ରମଣ କରି ଫେରିଛନ୍ତି । ଏତେ କମ୍ ଟଙ୍କାରେ କିପରି ବୁଲି ପାରିଲେ ତାହାର ଉପାୟ ସେ ବର୍ଣ୍ଣନା କରିଛନ୍ତି । ଏହି ଉପାୟ ଜାଣିବା ପରେ, ଅନେକ ଲୋକ ଏହାକୁ ଗ୍ରହଣ କରି ଯାତ୍ରା କରିବାକୁ ଯୋଜନା ଆରମ୍ଭ କରିଛନ୍ତି ।
ସାବିନା କହିଛନ୍ତି ଯେ, ଯଦି ତୁମେ କମ୍ ଟଙ୍କାରେ ଭ୍ରମଣ କରିବାକୁ ଚାହୁଁଛ ତେବେ ତୁମର ଯାତ୍ରାକୁ ଗୋଟିଏ ଦିନ ପୂର୍ବରୁ ବୁକ୍ କରିବା ଉଚିତ୍ । ଏହା ସହିତ ଆପଣ କମ୍ ଟଙ୍କାରେ ଟିକେଟ୍ ବି ପାଇବେ । ସେ ମଧ୍ୟ ତାଙ୍କ ଯାତ୍ରା ପୂର୍ବରୁ ଗୋଟିଏ ରାତିରେ ଟିକେଟ ବୁକ୍ କରିଥିଲେ । ସେ ଡବଲିନ୍ରୁ ଲଣ୍ଡନ ଅଭିମୁଖେ ମାତ୍ର ୧୩୦୦ ଟଙ୍କାରେ ବିମାନ ଟିକେଟ ବୁକ୍ କରିଥିଲେ । ଏଠାରୁ ସେ ମାର୍ସେଲ ପାଇଁ ଟିକେଟ ବୁକ୍ କରିଥିଲେ । ଏହାର ମୂଲ୍ୟ ୧୮ ଶହ ଟଙ୍କା ଥିଲା । ଏଠାରେ ଗୋଟିଏ ଦିନ ବିତାଇବା ପରେ ସେ ସ୍ପେନକୁ ଟିକେଟ ବୁକ୍ କରିଥିଲେ, ଯାହା ତାଙ୍କୁ ମାତ୍ର ୧୭୦୦ ଟଙ୍କାରେ ମିଳିଯାଇଥିଲା । ପ୍ରତ୍ୟେକ ସ୍ଥାନରେ ସାବିନା ରହିବା ଏବଂ ଖାଦ୍ୟ ପାଇଁ ସର୍ବନିମ୍ନ ଅର୍ଥ ଖର୍ଚ୍ଚ କରିଥିଲେ ।
