ରାଉରକେଲା: ରାଉରକେଲାର ଟ୍ରାଫିକ ଗେଟ୍ ମାର୍କେଟରେ ହିଂସାକାଣ୍ଡ । ସାମାନ୍ୟ ବଚସାରୁ ଯୁବକଙ୍କୁ ଗୁଳିମାଡ଼ କରି ଚମ୍ପଟ ମାରିଲେ ଦୁର୍ବୃତ୍ତ । ଆହତ ଯୁବକଜଣକ ହେଲେ ଅଭ୍ୟାସ ରାୟ । ତାଙ୍କୁ ସ୍ଥାନୀୟ ଲୋକେ ଉଦ୍ଧାର କରି ସହରର ଆରଜିଏଚ୍ରେ ଭର୍ତ୍ତି କରିଛନ୍ତି ।
ଖବର ମୁତାବକ, ଆଜି ସକାଳେ କୌଣସି କଥାକୁ ନେଇ ରାଉରକେଲା ଟ୍ରାଫିକ ଗେଟ୍ ମାର୍କେଟ ନିକଟରେ ତିନି ଜଣ ଯୁବକଙ୍କ ସହ ଅଭ୍ୟାସଙ୍କର କଥା କଟାକଟି ହୋଇଥିଲା । ପରେ ଉକ୍ତ ଯୁବକ ମାନେ ଅଭ୍ୟାସଙ୍କ ଉପରକୁ ଗୁଳିମାଡ଼ କରି ଘଟଣାସ୍ଥଳରୁ ଫେରାର ହୋଇଯାଇଥିଲେ ।
ଅଭ୍ୟାସଙ୍କ ଉପରକୁ ଦୁଇ ରାଉଣ୍ଡ ଗୁଳିମାଡ଼ ହୋଇଥିବା ସନ୍ଦେହ କରଯାଉଛି । ତେବେ ଗୁଳିମାଡ ପଛର କରଣ କଣ ତାହା ଜଣାପଡ଼ି ନାହିଁ । ଖବରପାଇ ପୋଲିସ ଯାଞ୍ଚ ପ୍ରକ୍ରିୟା ଆରମ୍ଭକରିଛି ।
Comments are closed.