ନୂଆଦିଲ୍ଲୀ: ଭାରତୀୟ କ୍ରିକେଟ ଦଳର ପୂର୍ବତନ ଷ୍ଟାର ଖେଳାଳି ଯୁବରାଜ ସିଂ ବାପା ହେବାର ସୌଭାଗ୍ୟ ଅର୍ଜନ କରିଛନ୍ତି । ଯୁବିଙ୍କ ପତ୍ନୀ ହେଜେଲ ଏକ ପୁତ୍ର ସନ୍ତାନଙ୍କୁ ଜନ୍ମ ଦେଇଛନ୍ତି । ଯୁବରାଜ ଟ୍ୱିଟ କରି ପ୍ରଶଂସକମାନଙ୍କୁ ଏହି ଖୁସି ଖବର ଜଣାଇଛନ୍ତି । ଆମେ ଆମ ଦୁନିଆକୁ ଏହି ଶିଶୁକୁ ସ୍ୱାଗତ କରୁଛୁ । ଆମ ଗୋପନୀୟତାକୁ ଆପଣମାନେ ସମ୍ମାନ ଦିଅନ୍ତୁ ବୋଲି ସେ କହିଛନ୍ତି ।
୨୦୧୬ ନଭେମ୍ବରରେ ଯୁବରାଜ-ହେଜେଲ ବିବାହ ବନ୍ଧନରେ ଆବଦ୍ଧ ହୋଇଥିଲେ । ଏହା ପରେ ୨୦୧୯ରେ ଯୁବି କ୍ରିକେଟକୁ ଅଲବିଦା କହିଥିଲେ । ଭାରତକୁ ଉଭୟ ଟି୨୦ ଏବଂ ଦିନିକିଆ ବିଶ୍ୱକପରେ ଚାମ୍ପିୟନ କରାଇବାରେ ଯୁବରାଜଙ୍କ ଭୂମିକା ଗୁରୁତ୍ୱପୂର୍ଣ୍ଣ ଥିଲା ।
Comments are closed.