ଶ୍ରୀନଗର: କଶ୍ମୀର ଓ ଲେହ ଲଦ୍ଦାଖ ପାଇଁ ଲାଇଫ ଲାଇନ ସାଜିବ ଜୋଜିଲା ଟନେଲ । ଶୀତ ଦିନରେ ବର୍ଷର ୬ ମାସ ବନ୍ଦ ରହୁଥିବା ଏହି ଅଞ୍ଚଳରେ ଯାତାୟତ ସମ୍ଭବ କରିବ ଜୋଜିଲା ଟନେଲ । ଜାମ୍ମୁ କାଶ୍ମୀରର ଶ୍ରୀନଗର ସହିତ ଲେହ ଲଦାଖ ଅଞ୍ଚଳକୁ ସଂଯୋଗ କରୁଥିବା ରଣନୀତିକ ଲିଙ୍କ ହେଉଛି ଜୋଜିଲା ଟନେଲ | ଏହି ରେଶମ ମାର୍ଗ ସ୍ଥାନୀୟ ଅଞ୍ଚଳର ପ୍ରତିରକ୍ଷା ଏବଂ ଅର୍ଥନୀତି ସକ୍ରିୟ ପାଇଁ ଅତ୍ୟନ୍ତ ଗୁରୁତ୍ୱପୂର୍ଣ୍ଣ 
ନଭେମ୍ବର ମାସରୁ ଏପ୍ରିଲ ମାସ ପର୍ଯ୍ଯନ୍ତ ଭୀଷଣ ତୁଷାରପାତ କାରଣରୁ ୬ ମାସ ଧରି ବରଫର ଚାଦର ତଳେ ଏହି ଅଞ୍ଚଳ ଲୁଚି ରହେ । ସମ୍ପୂର୍ଣ୍ଣ ରୂପରେ ଠପ ହୋଇଯାଏ କାର୍ଗିଲ-ଲଦାଖ ରାସ୍ତା, କେବଳ ଆକାଶମାର୍ଗ ହୋଇଯାଏ ଯାତାୟାତର କରିବାର ଏକମାତ୍ର ମାଧ୍ୟମ । ତେଣୁ ଜରୁରୀ ସ୍ଥିତିରେ ସୀମାରେ ସେନା ମୁତୟନ କରିବା ଏବଂ ସେମାନଙ୍କ ନିକଟରେ ଯୁଦ୍ଧାସ୍ତ୍ର ଓ ଖାଦ୍ୟସାମଗ୍ରୀ ପହଞ୍ଚାଇବା ସବୁଠାରୁ ବଡ଼ ଚ୍ୟାଲେଞ୍ଜ ହୋଇଯାଏ । ଏଭଳି ସ୍ଥିତିରେ ଏହି ୩୩ କିଲୋମିଟର ଦୀର୍ଘ ଟୁଇନ-ଟ୍ୟୁବ ଟନେଲ ହିଁ ସୃଷ୍ଟି କରିବ ନୂଆ କରି ବିକଳ୍ପ। କେନ୍ଦ୍ର ଭୂପୃଷ୍ଠ ପରିବହନ ମନ୍ତ୍ରୀ ନିତିନ ଗଡ଼କରୀ ଏସିଆର ସବୁଠୁ ଲମ୍ବା ଟନଲର ଅନୁଧ୍ୟାନ କରିଛନ୍ତି ।
ବାଲ୍ଟାଲରୁ ମିନାମର୍ଗ ପର୍ଯ୍ୟନ୍ତ ଦୂରତା ୪୦ କିଲୋମିଟରରୁ ୧୩ କିଲୋମିଟରକୁ ହ୍ରାସ ପାଇବ, ଦୁଇ ୟୁନିଅନ୍ ଅଞ୍ଚଳ ମଧ୍ୟରେ ଯାତ୍ରା ସମୟ ମଧ୍ୟ ଦେଢ ଘଣ୍ଟା କମିଯିବ | ରାସ୍ତାଗୁଡ଼ିକ ସମାନ୍ତରାଳ ହୋଇଥିବାରୁ ଆଗକୁ ଯାତ୍ରା କମ୍ କଠିନ ହେବ | ଜୋଜିଲା ଟନେଲର ଲମ୍ବ ୧୪.୧୫ କିଲୋମିଟର | ଥରେ ଏହା ସମାପ୍ତ ହେବା ପରେ ଏହା ଭାରତର ଲମ୍ବା ରୋଡ୍ ଟନେଲ୍ ଏବଂ ଏସିଆର ଦୁଇ ପାର୍ଶ୍ବ ଲମ୍ବା ଟନେଲ୍ ହେବ | ଜୋଜିଲା ଟନେଲର ଦୁଇଟି ଗାଡ଼ି ରାଜପଥ ୯.୫ ମିଟର ଚଉଡା ଏବଂ ୭.୫୭ ମିଟର ଉଚ୍ଚତାର ହୋଇଛି ।
ପାଖାପାଖି ୬ ହଜାର କୋଟି ଟଙ୍କାର ଏହି ପ୍ରକଳ୍ପକୁ ହାଇଦ୍ରାବାଦର ମେଘା ଇଞ୍ଜିନିୟରିଂ ଆଣ୍ଡ ଇନଫ୍ରାଷ୍ଟ୍ରକଚର ଲିମିଟେଡ୍ (MEIL) ନିର୍ମାଣ କରୁଛି । ଟନେଲ ନିର୍ମାଣରେ ଅଷ୍ଟ୍ରେଲିଆ ବୈଷୟିକ କୌଶଳ ବ୍ୟବହାର କରାଯାଉଛି ।
ଟନେଲ ଆସନ୍ତା ୨୦୨୪ ମେ’ ମାସ ପୂର୍ବରୁ ଶେଷ ହୋଇଯିବ । ଉଭୟ ଟନେଲ ନିର୍ମାଣ ଶେଷ ହେଲେ ଶ୍ରୀନଗର-ଲେହ- ଲଦାଖକୁ ବର୍ଷତମାମ ଯାତାୟତ ଲାଗି ରହିବ । କିନ୍ତୁ ବର୍ତ୍ତମାନ ପ୍ରତିକୂଳ ପାଗ ପାଇଁ ବର୍ଷର ଅଧା ଦିନ ଏହି ରାଜପଥ ବନ୍ଦ ରହୁଛି । ଏବେ ଜୋଜିଲା ଓ ସମଗ୍ର ଅଞ୍ଚଳରେ ତୁଷାରପାତ କାରଣ ଓ ପ୍ରବଳ ଥଣ୍ଡା କାରଣରୁ ବର୍ଷର ଅଧା ଦିନ ରାସ୍ତା ବନ୍ଦ ରହୁଛି ।
Comments are closed.