ଭୋପାଳ: ମଧ୍ୟପ୍ରଦେଶସ୍ଥିତ ରେୱା ସହର ନିକଟରେ ଥିବା ଏକ ବାଇପାସ୍ ରୋଡ୍ ଠାରେ ଗୁରୁବାର ସକାଳେ ଏକ ବସ୍-ଟ୍ରକ୍ ଧକ୍କା ହେବା ଫଳରେ ୧୦ ଜଣଙ୍କର ମୃତ୍ୟୁ ଘଟିବା ସହ ୨୩ରୁ ଅଧିକ ବ୍ୟକ୍ତି ଗୁରୁତର ଆହତ ହୋଇଛନ୍ତି ।
ଏନେଇ ଏକ ଜାତୀୟ ଗଣମାଧ୍ୟମ ରିପୋର୍ଟରୁ ଜଣାପଡିଛି ।
#UPDATE: Superintendent of Police, Rewa: Death toll in the collision between a truck and a bus, has risen to nine. 23 people have been injured, and are undergoing treatment at a hospital. https://t.co/IvYaoVl5e9
— ANI (@ANI) December 5, 2019
ମିଳିଥିବା ସୂଚନାନୁଯାୟୀ ‘ପ୍ରଧାନ’ ଟ୍ରାଭେଲସର ଏକ ଯାତ୍ରୀବାହୀ ବସ୍ ଉକ୍ତ ବାଇପାସ୍ ରୋଡ୍ ନିକଟରେ ଯାଉଥିବା ବେଳେ ହଠାତ୍ ଅନ୍ୟଏକ ଟ୍ରକ୍ ସହ ମୁହାଁମୁହିଁ ଧକ୍କା ହୋଇଥିଲା । ଫଳରେ ଏହି ମର୍ମନ୍ତୁଦ ସଡକ ଦୁର୍ଘଟଣା ଘଟିଛି ।
ଏହି ଦୁର୍ଘଟଣାରେ ପାଖାପାଖି ୧୦ ଜଣ ଯାତ୍ରୀଙ୍କର ମୃତ୍ୟୁ ଘଟିଥିବାବେଳେ ପୋଲିସ ସ୍ଥାନୀୟ ଲୋକଙ୍କ ସହାୟତାରେ ସମସ୍ତ ଆହତମାନଙ୍କୁ ଉଦ୍ଧାର କରିଛନ୍ତି ।
ତେବେ ଆହତମାନଙ୍କୁ ଉଦ୍ଧାର କରାଯାଇ ଚିକିତ୍ସା ନିମନ୍ତେ ସ୍ଥାନୀୟ ହସ୍ପିଟାଲରେ ଭର୍ତ୍ତି କରାଯାଇଥିବା ବେଳେ ମୃତାହତଙ୍କ ସଂଖ୍ୟା ବଢିବା ନେଇ ଆଶଙ୍କା ରହିଛି ।