ପୁରୀ: ପୁରୀ ପୋଲିସକୁ ବଡ଼ ଧରଣର ସଫଳତା ମିଳିଛି । ପୁରୀର ବିଭିନ୍ନ ଥାନା ଅଞ୍ଚଳରେ ଡକାୟତି ଓ ଦାଦାବାଟି ଆଦାୟ ଅଭିଯୋଗରେ ସୋମବାର ପୁରୀ ପୋଲିସ ୧୨ ଜଣଙ୍କୁ ଗିରଫ କରିଛି । ଏନେଇ ସାମ୍ବାଦିକ ସମ୍ମିଳନୀରେ ସିଟି ଡିଏସପି କେ.କେ ହରିପ୍ରସାଦ ସୂଚନା ଦେଇଛନ୍ତି ।
ପୁରୀ ଟାଉନ୍ ଥାନା ଅନ୍ତର୍ଗତ ହରଚଣ୍ଡୀ ସାହି ଚକ୍ରୋକୋଟ ଲେନ୍ କାଜୁ ଜଙ୍ଗଲରେ ୫ ଜଣ ଦୁର୍ବୃତ୍ତ ଏକାଠି ହୋଇ ଡକାୟତି ପାଇଁ ଯୋଜନା କରୁଥିବା ବେଳେ ଧରାପଡ଼ିଛନ୍ତି । ବିଶେଷ ସୂତ୍ରରୁ ଖବର ପାଇ ଟାଉନ୍ ଥାନା ପୋଲିସ ଡକାୟତି ଯୋଜନା ପଣ୍ଡ କରିବା ସହ ୫ ଜଣଙ୍କୁ ଗିରଫ କରିଛି ।
ଗିରଫ ଅଭିଯୁକ୍ତ ମାନେ ହେଲେ ଗୁଡ଼ିଆ ସାହିର କେଶବ ପୃଷ୍ଟି, ମାର୍କେଣ୍ଡଶ୍ୱର ସାହିର ଶିବୁ ନାୟକ, ନୂଆ ପାଟନା ସାହିର ରାକେଶ କୁମାର ରାଉତ, ମଙ୍ଗଳା ଘାଟ ପାଇକ ସାହିର ରଞ୍ଜନ ଷଣ୍ଢ ଓ ଭୂଦାନ ଅଞ୍ଚଳର ରବି ସୁବୁଦ୍ଧି ।
ସେହିପରି ବାସେଳୀ ସାହି ଥାନା ଶଙ୍କରପୁର କାଜୁ ଜଙ୍ଗଲରେ ଡକାୟତି ଯୋଜନା କରୁଥିବା ବେଳେ ପୋଲିସ ୫ ଜଣଙ୍କୁ ଗିରଫ କରିଛି । ଗିରଫ ଅଭିଯୁକ୍ତ ହେଲେ ଗୋଖା ସାହିର ଅନିଲ ବେହେରା, ଜଗନ୍ନାଥ ବସ୍ତିର ମନୋଜ ପଣ୍ଡା, ଗୋ ବାଣ୍ଟିନା ବେହେରା, ଧବଳେଶ୍ୱର ନଗରର ରାଜେଶ କୁମାର ସାହୁ, ଗିନାରିବନ୍ତ କେଶବ ପରିଡ଼ା ।
ଦାଦା ବଟି ମାଗିବା ଅଭିଯୋଗରେ ସମୁଦ୍ର କୁଳ ଥାନା ପୋଲିସ ୨ ଜଣଙ୍କୁ ଗିରଫ କରିଛି । ବାଲିମୋଚି ସାହିର କେ. ଶିବା ଓ ଧୋବାଖାଲର ରମେଶ ବେହେରା । ଗିରଫ ଅଭିଯୁକ୍ତ ମାନଙ୍କ ଠାରୁ ବିଭିନ୍ନ ମାରଣାସ୍ତ୍ର ସହ ୨ଟି ବାଇକ୍ କିଛି ଟଙ୍କା ଜବତ ହୋଇଛି । ଅଭିଯୁକ୍ତ ମାନଙ୍କୁ ପୁରୀ ପୋଲିସ କୋର୍ଟ ଚାଲାଣ କରିଥିବା ଡିଏସପି କେ.କେ ହରିପ୍ରସାଦ ସାମ୍ବାଦିକ ସମ୍ମିଳନୀରେ ସୂଚନା ଦେଇଛନ୍ତି ।
Comments are closed.