ଚାମୋଲି: ନମାମି ଗଙ୍ଗେ ପ୍ରକଳ୍ପ ଅଞ୍ଚଳରେ ବଡ଼ ଧରଣର ଅଘଟଣ ଘଟିଛି । ଅଳକନନ୍ଦା ନଦୀ କୂଳରେ ଟ୍ରାନ୍ସଫର୍ମର ବିସ୍ଫୋରଣରେ ୪ ପୋଲିସ କର୍ମଚାରୀଙ୍କ ସହ ୧୫ ଜଣଙ୍କ ମୃତ୍ୟୁ ହୋଇଛି । ବୁଧବାର ଉତ୍ତରାଖଣ୍ଡର ଚାମୋଲି ଜିଲ୍ଲା ଅଳକନନ୍ଦା ନଦୀ କୂଳରେ ଘଟିଛି ଏ ବଡ଼ ଅଘଟଣ ।
ଗତକିଛି ଦିନ ଧରି ଚାମୋଲିରେ ବର୍ଷା ଯୋଗୁ ବନ୍ୟା ସ୍ଥିତି ଉପୁଜିଥିଲା । ଆଜି ଅଳକନନ୍ଦା ନଦୀ କୂଳରେ ଟ୍ରାନ୍ସଫର୍ମର ଫାଟି ଯାଇ ରେଲିଂ ବିଦ୍ୟୁତ୍ ଆସିବାରୁ ୧୫ ଜଣଙ୍କ ମୃତ୍ୟୁ ହୋଇଛି । ମୃତକଙ୍କ ମଧ୍ୟରେ ୪ ଜଣ ପୋଲିସ କର୍ମଚାରୀ ଥିବା ସୂଚନା ଦେଇଛନ୍ତି ଚାମୋଲି ଏସପି ।
ଘଟଣାରେ ଆହତ ହୋଇଥିବା ସମସ୍ତଙ୍କୁ ମେଡିକାଲ୍ ନିଆଯାଇଛି । ଉତ୍ତରାଖଣ୍ଡ ଡିଜିପିଙ୍କ ସୂଚନା ଅନୁସାରେ, ଏହି ଅଘଟଣରେ ସ୍ଥାନୀୟ ଫାଣ୍ଡି ଅଧିକାରୀଙ୍କ ମୃତ୍ୟୁ ହୋଇଛି । ସୂଚନା ଅନୁସାରେ, ନମାମି ଗଙ୍ଗେ ପ୍ରକଳ୍ପ ଅଧିନରେ ଏହି ଅଞ୍ଚଳରେ କାମ ଚାଲିଥିବା ବେଳେ ଏହି ବିସ୍ଫୋରଣ ହୋଇଛି ।
Comments are closed.