ହୀରାକୁଦ ଡ୍ୟାମ୍‌ରେ ଗାଧୋଉଥିବା ବେଳେ ବୁଡ଼ିଯାଇ ୨ ନିଖୋଜ

ଓଡ଼ିଶା ସମ୍ବାଦ ବ୍ୟୁରୋ:  ହୀରାକୁଦ ଡ୍ୟାମ୍‌ରେ ଗାଧୋଉଥିବା ବେଳେ ବୁଡ଼ିଯାଇଛନ୍ତି ଦୁଇଜଣ ଏମସିଏଲ କର୍ମଚାରୀ । ସ୍ଥାନୀୟ ଲୋକ କିଛି ସମୟ ଖୋଜାଖୋଜି କରି ନପାଇବାରୁ ଏହି ଖବର ଚାରିଆଡେ ପ୍ରସାରିତ ହୋଇଥିଲା ।  ୨ ଜଣ ହେଲେ ଏମସିଏଲ କର୍ମଚାରୀ ଝାଙ୍କରାଣୀ ମନ୍ଦିର ନିକଟ ଡ୍ୟାମ୍‌ରେ ଗାଧୋଉଥିଲେ ବୋଲି କୁହାଯାଉଛି । ତେବେ ଗାଧୋଉଥିବା ବେଳେ  ହଠାତ ବୁଡିଯାଇଥିଲେ। ସ୍ଥାନୀୟ ଲୋକ  ଅଗ୍ନିଶମ ବାହିନୀଙ୍କୁ ଖବର ଦେଇଥିଲେ।  ଘଟଣାସ୍ଥଳରେ ଅଗ୍ନିଶମ ବାହିନୀ ପହଞ୍ଚି  ଉଦ୍ଧାର କାର୍ଯ୍ୟ ଜାରି ରଖିଛନ୍ତି। ତେବେ ସଂଧ୍ୟା ସୁଦ୍ଧା ସେମାନଙ୍କ ପତ୍ତା ମିଳିପାରିନାହିଁ ।