ଭୁବନେଶ୍ବର: ଖଣ୍ଡଗିରି ରମାମଣି ପେଟ୍ରୋଲ ପମ୍ପ ନିକଟରେ ପୋଲିସର ଅତର୍କିତ ଚଢଉ । ବ୍ରାଉନ ସୁଗାର ଡିଲ କାରବାର ବେଳେ ଦୁଇ ଅଭିଯୁକ୍ତଙ୍କୁ ଗିରଫ କରିବା ସହ ଘଟଣାସ୍ଥଳରୁ ୨୦.୨୯ ଗ୍ରାମ ଓଜନର ବ୍ରାଉନ ସୁଗାର ସହିତ ନଗଦ ୩୨୦୦ ଟଙ୍କା ଜବତ କରିଛି ପୋଲିସ ।
ଖବରମୁତାବକ, ଲୋକଙ୍କୁ ବେଆଇନ ବ୍ରାଉନସୁଗାର ବିକ୍ରି କରୁଥିବାର ଏକ ବିଶ୍ଵସ୍ତ ସୂତ୍ରରୁ ଖବରପାଇ ଖଣ୍ଡଗିରି ଥାନାଧିକାରୀଙ୍କ ନିର୍ଦ୍ଦେଶ କ୍ରମେ ଏକ ସ୍ପେଶାଲ ଟିମ ଖଣ୍ଡଗିରି ଥାନା ଅନ୍ତର୍ଗତ ରମାମଣି ପେଟ୍ରୋଲ ପମ୍ପ ନିକଟରେ ଆଜି ଅତର୍କିତ ଚଢାଉ କରିଥିଲା । ଚଢାଉ ସମୟରେ ଦୁଇ ଅଭିଯୁକ୍ତଙ୍କୁ ଗିରଫ କରିଛି ଏହି ସ୍ପେଶାଲ ଟିମ । ଗିରଫ ଅଭିଯୁକ୍ତ ହେଲେ ପ୍ରିତମ କୁମାର ସାହୁ (୨୭) ଅନ୍ୟ ଜଣେ ହେଲେ ସନ୍ତୋଷ କୁମାର ସ୍ବାଇଁ (୩୧) । ଉଭୟ ଗିରଫ ଅଭିଯୁକ୍ତ ବରମୁଣ୍ଡା ସ୍ବାଇଁ ସାହିର ବୋଲି ଜଣାପଡିଛି । ପୋଲିସର ପଚରାଉଚରା ବେଳେ ଉକ୍ତ ବ୍ରାଉନ ସୁଗାରକୁ ବେଆଇନ ଭାବେ ଅର୍ଥ ଉପାର୍ଜନ ନିମନ୍ତେ ସାଧାରଣ ଲୋକଙ୍କୁ ବିକ୍ରି କରୁଥିବା ସ୍ଵୀକାର କରିଛନ୍ତି ଅଭିଯୁକ୍ତ ।
ଏହି ଘଟଣାକୁ କେନ୍ଦ୍ରକରି ଖଣ୍ଡଗିରି ଥାନା ପୁଲିସ ଏକ ବେଆଇନ ବ୍ରାଉନସୁଗାର ବିକ୍ରି ଜନିତ ମାମଲା ରୁଜୁ କରିବା ସହିତ ଦୁଇ ଅଭିଯୁକ୍ତଙ୍କୁ ଗିରଫ କରି କୋର୍ଟ ଚାଲାଣ କରିଛି । ଏହି ମାମଲାରେ ଅଧିକ ତଦନ୍ତ ଜାରି ରଖିଛି ପୋଲିସ ।
Comments are closed.