ସୁକୁମା: ଛତିଶଗଡର ସୁକୁମା ବିଜାପୁର ସୀମାରେ ପୁଣି ସୁରକ୍ଷାକର୍ମୀ ଓ ମାଓବାଦୀଙ୍କ ମଧ୍ୟରେ ଗୁଳିବିନିମୟ ହୋଇଛି । ସୁରକ୍ଷାକର୍ମୀଙ୍କ ଗୁଳିରେ ୩ ମାଓବାଦୀ ନିହତ ହୋଇଥିବା ସୂଚନା ରହିଛି ।
ଡିଆରଜି, ଏସଟିଏଫ୍, କୋବ୍ରା ବାହିନୀର ମିଳିତ ଅପରେସନରେ ଏହି ସଫଳତା ମିଳିଛି । ଏବେ ମଧ୍ୟ ଉକ୍ତ ସ୍ଥନାରେ ସୁରକ୍ଷାକର୍ମୀ ଏବଂ ମାଓବାଦୀଙ୍କ ମଧ୍ୟରେ ଗୁଳିବିନିମୟ ଜାରି ରହିଥିବା ସୂଚନା ମିଳିଛି ।
କିଛି ଦିନ ଛତିଶଗଡରେ ଆଇଇଡି ବିସ୍ଫୋରଣରେ ୮ ଯବାନ ସହିଦ ହୋଇଛନ୍ତି । ମାଓ ଅପରେସନ ସାରି ବାଟରେ ଯବାନ ମାନେ ଫେରୁଥିବାବେଳେ ଏତିକିବେଳେ ହଠାତ ପୂର୍ବରୁ ଖଞ୍ଜା ହୋଇଥିବା ଆଇଇଡି ବିସ୍ଫୋରଣ ଘଟିଥିଲା । ଆଉ ତା’ପରେ ଛିନ ଛତର ହୋଇଯାଇଥିଲା ଗାଡ଼ି ସହ ଯବାନଙ୍କ ଶରୀର । ବିସ୍ଫୋରଣରେ ଜଣେ ଡ୍ରାଇଭରଙ୍କ ଜୀବନ ଯାଇଛି । ବିସ୍ଫୋରଣ ପରେ ସର୍ଚ୍ଚ ଅପରେସନ ଜୋରଦାର କରାଯାଇଛି ।