କଟକ: ଓଡିଶା ମୁଖ୍ୟମନ୍ତ୍ରୀଙ୍କ ୫ଟି’ ସଚିବ ଭିକେ ପାଣ୍ଡିଆନ୍ ବୁଧବାର ବଡି ଭୋର ସମୟରେ କଟକରେ ପହଞ୍ଚି ଏସସିବିର ସମ୍ପ୍ରସାରଣ ଲାଗି ପ୍ରସ୍ତାବିତ ୨୫ ଏକର ଭୂମିର ଅନୁଧ୍ୟାନ କରିଥିଲେ।
ଗୃହ ଓ ନଗର ଉନ୍ନୟନ ବିକାଶ ସଚିବ ଜି ମାଥୀଭଥନନ୍, ଜଳ ସମ୍ପଦ ସଚିବ ସୁରେନ୍ଦ୍ର କୁମାର ଓ ୱାକ୍ର୍ସ କୃଷ୍ଣ କୁମାର ମଧ୍ୟ ପାଣ୍ଡିଆନଙ୍କ ସହ ଆଜି ଭୋର୍ ୫ଟା ବେଳେ କଟକରେ ପହଞ୍ଚିଥିଲେ । ମେଡିକାଲ୍ କର୍ତ୍ତୃପକ୍ଷଙ୍କ ଦ୍ୱାରା ରୋଗୀଙ୍କୁ ପ୍ରଦାନ କରାଯାଉଥିବା ସେବାର ମଧ୍ୟ ସମୀକ୍ଷା କରିଥିଲେ । ପରେ ସେ ବିଭିନ୍ନ ୱାଡକୁ ଗସ୍ତ କରି ରୋଗୀମାନଙ୍କ ସହ ଆଲୋଚନା କରିଥିଲେ । ପରବର୍ତ୍ତୀ ସମୟରେ ସେ ଏସସିବି ଅଧିକ୍ଷକଙ୍କ ସହ ଏକ ବୈଠକରେ ଯୋଗଦେଇ ମେଡିକାଲରେ ଥିବା ଖାଲି ସ୍ଥାନର ସଠିକ୍ ଉପଯୋଗ କରିବା ନେଇ ମଧ୍ୟ ଆଲାଚନା କରିଥିଲେ ।
ପରବର୍ତ୍ତୀ ସମୟରେ ୫ଟି ସଚିବ ଜୋବ୍ରାସ୍ଥିତ ମେରିଟାଇମ୍ ମ୍ୟୁଜିୟମରେ ସମୀକ୍ଷା ବୈଠକ କରିଥିଲେ ।
ସହରର ଉପକଣ୍ଠସ୍ଥ ମହାନଦୀ ତଟରେ ନିକଟରେ ଥିବା ହାଡିଆ ପଠା ଓ ସିସୋର ପଠାକୁ ମଧ୍ୟ ଗସ୍ତ କରିଥିଲେ ଏହି ଟିମ୍ । ଯେଉଁଠି ଦ୍ୱିତୀୟ ଏସସିବି କ୍ୟାମ୍ପସ ଲାଗି ସାଇଟ୍ ପ୍ରସ୍ତାବିତ କରାଯାଇଛି ।
କଟକ ଜିଲ୍ଲାପାଳ ଭବାନୀ ଶଙ୍କର ଚଇନୀ କହିଛନ୍ତି ଯେ ଏହି ଟିମ୍ ମହାନଦୀ ପଠାର ମଧ୍ୟ ସମୀକ୍ଷା କରିଥିଲେ । ଆହୁରି ମଧ୍ୟ ପ୍ରିମିୟର୍ ହସ୍ପିଟାଲ୍ ଲାଗି ତଳତଣ୍ଡା କେନାଲ ପଟେ ଦୁଇ କିମି. ଓ ତିନି ଲେନ୍ ବିଶିଷ୍ଟ ରୋଡ୍ ନିର୍ମାଣ ଲାଗି ଏକ ଯୋଜନା ପ୍ରସ୍ତୁତ କରାଯାଉଛି । ଏହାବ୍ୟତିତ ଏସସିବିର କିଛି କ୍ୱାଟର୍ସକୁ ମଧ୍ୟ ସ୍ଥାନାନ୍ତର କରାଯିବ, ଯାହାଫଳରେ ମାର୍ଚ୍ଚ ଠାରୁ ଏହାର କାମ ଆରମ୍ଭ ହୋଇପାରିବ ।
ଉଲ୍ଲେଖଯୋଗ୍ୟ, ଗତ ନଭେମ୍ବର ୬ ତାରିଖରେ ପାଣ୍ଡିଆନ୍ ପ୍ରଥମ ଥର ପାଇଁ ଏସସିବି ମେଡିକାଲ ଗସ୍ତରେ ଯାଇଥିଲେ । ପରେ ଏସସିବି କ୍ୟାମ୍ପସ ପରିସରରେ ୩ହଜାର ବିଶିଷ୍ଟ ବେଡ୍ ନିର୍ମାଣ ଲାଗି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ୧୦୦୦ କୋଟି ଟଙ୍କାର ପ୍ୟାକେଜ୍ ଘୋଷଣା କରିଥିଲେ ।