ହରିୟାନାରେ ମୂର୍ତ୍ତି ବିସର୍ଜନ ବେଳେ ପାଣିରେ ବୁଡ଼ି ୭ ମୃତ

ମହେନ୍ଦ୍ରଗଡ଼: ହରିୟାଣାରେ ଶ୍ରୀଗଣେଶଙ୍କ ମୂର୍ତ୍ତି ବିସର୍ଜନ ବେଳେ ଅଭାବନୀୟ ଘଟଣା ଘଟିଛି । ବିଭିନ୍ନ ସ୍ଥାନରେ ମୂର୍ତ୍ତି ବିସର୍ଜନ ବେଳେ 7ଜଣଙ୍କ ମୃତ୍ୟୁ ହୋଇଥିବା ବେଳେ ଅନେକ ଆହତଙ୍କୁ ହସପିଟାଲ ନିଆଯାଇ ଚିକିତ୍ସା କରାଯାଉଛି । ମହେନ୍ଦ୍ରଗଡ଼ର ଜଗଦୋଲି ଗ୍ରାମ କେନାଲରେ ମୂର୍ତ୍ତି ବିସର୍ଜନ କରୁଥିବା ସମୟରେ 12 ଜଣ ଶିଶୁ ଓ କିଶୋର ବୁଡ଼ି ଯାଇଥିଲେ । ଗାଁ ଲୋକେ ଉଦ୍ଧାର କରିବା ବେଳକୁ 4 ଜଣଙ୍କର ମୃତ୍ୟୁ ହୋଇଥିଲା 3ଜଣଙ୍କୁ ହସପିଟାଲ ନିଆଯାଇ ଚିକିତ୍ସା କରାଯାଉଛି ।

ସେହିପରି କିଶୋରଙ୍କ ସମେତ ଚାରିଜଣ ବ୍ୟକ୍ତି ସୋନିପାଟର ମିମୁରପୁର ଏବଂ ଯମୁନାର ବେଗା ଘାଟରେ ବୁଡ଼ିଯାଇଥିଲେ। ଏଥିମଧ୍ୟରୁ ପିତା-ପୁତ୍ର ଏବଂ ପୁତୁରା ମିମାରପୁର ଘାଟରେ ବୁଡ଼ି ଯାଇଥିଲେ ଏବଂ ଅନ୍ୟ ଜଣେ ଯୁବକ ବେଗା ଘାଟରେ ବୁଡ଼ି ଯାଇଥିଲେ। 3 ଜଣଙ୍କ ମୃତଦେହ ଉଦ୍ଧାର କରାଯାଇଛି। ଯମୁନାରେ ବୁଡ଼ି ଯାଇଥିବା ଯୁବକକୁ ପୋଲିସ ଦମକଳବାହିନୀ ଖୋଜୁଛି।

महेंद्रगढ़ और सोनीपत जिले में गणपति विसर्जन के दौरान नहर में डूबने से कई लोगों की असामयिक मृत्यु का समाचार हृदयविदारक है।

इस कठिन समय में हम सभी मृतकों के परिजनों के साथ खड़े हैं।

NDRF की टीम ने कई लोगों को डूबने से बचा लिया है, मैं उनके शीघ्र स्वस्थ होने की प्रार्थना करता हूँ।

— Manohar Lal (@mlkhattar) September 9, 2022

ହରିୟାନା ମୁଖ୍ୟମନ୍ତ୍ରୀ ମୃତକଙ୍କ ପାଇଁ ଗଭୀର ଶୋକ ପ୍ରକାଶ କରିଥିବା ବେଳେ ପରିବାର ଲୋକଙ୍କୁ କ୍ଷତିପୂରଣ ଦେବାପାଇଁ ଘୋଷଣା କରିଛନ୍ତି ।