ସ୍ୱାମୀ ଅଗ୍ନିବେଶଙ୍କୁ ନେଇ ଆଇପିଏସ୍ ନାଗେଶ୍ୱର ରାଓଙ୍କ ଟ୍ୱିଟ୍ ପରେ ହଙ୍ଗାମା

ନୂଆଦିଲ୍ଲୀ: ବିବାଦରେ ଓଡିଆ ଆଇପିଏସ୍ ନାଗେଶ୍ୱର ରାଓ । ସ୍ୱାମୀ ଅଗ୍ନିବେଶଙ୍କ ମୃତ୍ୟୁକୁ ନେଇ ଟ୍ୱିଟ୍ କରି ବିବାଦୀୟ ହୋଇପଡିଛନ୍ତି ସିବିଆଇର ପୂର୍ବତନ ଅତିରିକ୍ତ ନିର୍ଦ୍ଦେଶକ ଏମ୍ ନାଗେଶ୍ୱର ରାଓ । ବିଶିଷ୍ଟ ସାମାଜିକ କର୍ମୀ ସ୍ୱାମୀ ଅଗ୍ନିବେଶଙ୍କ ପରଲୋକ ପରେ ଆଜି ସୋସିଆଲ ମିଡିଆରେ ଟ୍ୱିଟ୍ କରିଥିଲେ ନାଗେଶ୍ୱର ।

ନିଜ ଟ୍ୱିଟରେ ନାଗେଶ୍ୱର ଲେଖିଛନ୍ତି ଯେ, ସ୍ୱାମୀ ଅଗ୍ନିବେଶ ଗେରୁଆ ପୋଷାକ ପିନ୍ଧି ହିନ୍ଦୁ ଧର୍ମ ବିରୋଧୀ କାମ କରୁଥିଲେ । ଖାଲି ସେତିକି ନୁହେଁ ନାଗେଶ୍ୱର ଆହୁରି ମଧ୍ୟ ଲେଖିଛନ୍ତି ଯେ, କାହିଁକି ଯମରାଜ ଏତେଦିନ ଯାଏ ଅପେକ୍ଷା କରିଥିଲେ ।

ସମାଜସେବୀ ସ୍ୱାମୀ ଅଗ୍ନିବେଶଙ୍କ ଗତକାଲି ଦେହାନ୍ତ ହୋଇଛି । ଏହାରେ ଆଜି ଆସିଛି ଓଡିଆ ଆଇିଏସ୍ ନାଗେଶ୍ୱର ରାଓଙ୍କ ବିବାଦୀୟ ଟ୍ୱିଟ୍ । ନାଗେଶ୍ୱରଙ୍କ ଟ୍ୱିଟ୍‌କୁ ନେଇ ସୋସିଆଲ ମିଡିଆରେ ଜୋରଦାର ପ୍ରତିକ୍ରିୟା ପ୍ରକାଶ ପାଇଛି । ୟୁଜର କହିଛନ୍ତି, ଅବସର୍ରାପ୍ତ ଆଇପିଏସ୍ ସୋସିଆଲ ମିଡିଆରେ ଘୃଣାଭାବ ସୃଷ୍ଟି କରୁଛନ୍ତି ।