ପୁରୀ: ମିକ୍ସର-ଗ୍ରାଇଣ୍ଡର ଖୋଳରୁ ବାହାରିଲା ନାଗସାପ । ଆଜି ଏପରି ଏକ ଘଟଣା ପୁରୀ କଲ୍ୟାଣପୁର ଗାଁରେ ସାମ୍ନାକୁ ଆସିଥିଲା । ବୁଧବାର ରାତିରେ ବିଶ୍ୱଜିତ ପ୍ରଧାନ ନାମକ ଜଣେ ବ୍ୟକ୍ତିଙ୍କ ଘରେ ହଠାତ୍ ଏକ ନାଗସାପ ପସିଯାଇଥିଲା । ଭୟରେ ବିଶ୍ୱଜିତଙ୍କ ପରିବାର ଲୋକେ ସାପଟିକୁ ଘଉଡାଇବାକୁ ଚେଷ୍ଟା କରିଥିଲେ । ହେଲେ ସାପଟି ତାଙ୍କ ପୂଜାଘରେ ଲୁଚି ରହିଥିଲା ।
ବହୁ ଖୋଜାଖୋଜି ପରେ ସାପଟି ପୂଜା ଘରେ ଥିବା ଏକ ମିକ୍ସର-ଗ୍ରାଇଣ୍ଡର୍ ଖୋଳରେ ଲୁଚି ରହିଥିବା ସେମାନେ ଜାଣିବାକୁ ପାଇଥିଲେ । ତେବେ ସାହାସ କରି ପରିବାର ଲୋକେ ଖୋଳଟିକୁ ସଂପୂର୍ଣ୍ଣ ରୂପେ ନିବୁଜ ରଖି ବାହାରକୁ ଆଣିଥିଲେ । ପରେ ସ୍ନେକ୍ ହେଲ୍ପଲାଇନ ସହ ଯୋଗାଯୋଗ କରିଥିଲେ । ଖବର ପାଇ ଘଟଣାସ୍ଥଳରେ ପହଂଚିଥିଲେ ସ୍ନେକ୍ ହେଲ୍ପଲାଇନ୍ ସଦସ୍ୟ ସୁଶାନ୍ତ ବେହେରା । ଖୋଳରୁ ସାପଟିକୁ ଉଦ୍ଧାର କରି ସୁଶାନ୍ତ ବେହେରା ଜଙ୍ଗଲରେ ଛାଡିଦେଇଥିବା ଜଣାପଡିଛି ।
Comments are closed.