ବିଜେପିରେ ମିଶିଲେ ଶୁଭେନ୍ଦୁ: ୧୧ ବିଧାୟକ ଦଳ ଛାଡିଲେ, ଶାହ କହିଲେ ଦିଦି ଏକୁଟିଆ ହେଇଯିବେ

କୋଲକାତା: ତୃଣମୂଳ କଂଗ୍ରେସର ପ୍ରମୁଖ ନେତା ଶୁଭେନ୍ଦୁ ଅଧିକାରୀ ଆଜି ଦଳ ଛାଡି ବିଜେପିରେ ମିଶିଛନ୍ତି । ଗୃହମନ୍ତ୍ରୀ ଅମିତ ଶାହଙ୍କ ରାଲିରେ ଶୁଭେନ୍ଦୁଙ୍କ ସହ ତୃଣମୂଳ କଂଗ୍ରେସର ୬, କଂଗ୍ରେସ ୧, ସିପିଆଇର ୧, ସିପିଏମର ୨ ସମେତ ୧୧ ବିଧାୟକ ବିଜେପିରେ ମିଶିଥିଲେ । ମମତା ବାନାର୍ଜୀ ଏହା ଏକ ବହୁତ ବଡ ଝଟକା ଭାବେ ବିବେଚନା କରାଯାଉଛି । ବିଧାୟକ ତାପସୀ ମଣ୍ଡଳ, ଅଶୋକ ଦିଣ୍ଡା, ସୁଦୀପ ମୁର୍ଖାଜୀ, ସୈକାତ ପାଞ୍ଝା, ଶୀଳଭଦ୍ର ଦତ, ଦୀପାଳି ବିଶ୍ୱାସ, ସୁକ୍ରା ମୁଣ୍ଡା, ଶ୍ୟାମପଦ ମୁର୍ଖାଜୀ, ବିଶ୍ୱଜିତ କୁଣ୍ଡୁ ଏବଂ ବନଶ୍ରୀ ମୈତ୍ରୀ ଦଳ ଛାଡିଛନ୍ତି ।

ଆହୁରି ଅନେକ ନେତା ଦଳ ଛାଡିବେ ଦିଦି ଏକୁଟିଆ ହୋଇଯିବେ ବୋଲି ଅମିତ ଶାହ କହିଛନ୍ତି । ବିଜେପିକୁ ୫ ବର୍ଷ ଦିଅ, ଆମେ ଯଦି ସୋନାର ବାଙ୍ଗଲା କରିଦେବୁ । ଏଥର ୨୯୪ରୁ ୨୦୦ରୁ ଅଧିକ ଆସନ ବିଜେପି ଜିତିବ ବୋଲି ଶାହ କହିଛନ୍ତି । ଦୁର୍ନୀତିଗ୍ରସ୍ତ ହିଟଲର ଶାସନକୁ କେହି ଆଉ ବରଦାସ୍ତ କରିବା ମୁଡରେ ନାହାନ୍ତି । ବାରମ୍ବାର ଦଳୀୟ ନେତାମାନେ ଏହାକୁ ବିରୋଧ କରିଥିଲେ ମଧ୍ୟ ଦିଦି ସେମାନଙ୍କ କଥା ଶୁଣି ନ ଥିଲେ । ଏବେ ସମସ୍ତେ ବିଜେପିର ଶକ୍ତି ବୃଦ୍ଧି କରିବେ ବୋଲି ଶାହ କହିଛନ୍ତି ।