ବରଗଡ଼: ବରଗଡ଼ ଜିଲ୍ଲାରେ ପୌରାଣିକ , ପ୍ରାକୃତିକ , ଐତିହାସିକ ସ୍ଥାନ ମାନଙ୍କର ଅଭାବ ନାହିଁ । କିନ୍ତୁ ପର୍ଯ୍ୟଟକ ମାନଙ୍କୁ ଆଧୁନିକ ବ୍ ବ୍ୟବସ୍ଥା ଥିବା ସେବା ଯୋଗେଇବା ପାଇଁ କୌଣସି ପଦକ୍ଷେପ ନିଆ ଯାଉନଥିବାରୁ ପର୍ଯ୍ୟଟନ ଶିଳ୍ପ ଅବହେଳିତ ଅବସ୍ଥାରେ ଅଛି। ବୀର ସୁରେନ୍ଦ୍ର ସାଏଙ୍କ ସ୍ମାରକୀ ବହନ କରୁଥିବା ପପଙ୍ଗା ପାହାଡ଼ , ବାର ପାହାଡ଼ର ବାର ବଖରା , ଗନିଆଁ ପାଳିରେ ଥିବା ବୌଦ୍ଧ ବିହାର , ପାଇକମାଲର ନୃସିଂହନାଥ ମନ୍ଦିର , ଗନ୍ଧମାର୍ଦ୍ଧନ ପାହାଡ଼ ଇତ୍ୟାଦି ରହିଛି । ବାର ପାହାଡ଼ର ଅନେକ ସ୍ଥାନରେ ହୀରାକୁଦ ବନ୍ଧର ପାଣି ସମୁଦ୍ର ପରି ଦେଖାଯାଏ।
ଗନ୍ଧମାର୍ଦ୍ଧନ ପାହାଡ଼ରେ ଅନେକ ଔଷଧୀୟ ଗୁଣଯୁକ୍ତ ଗଛଲତା ରହିଥିବା ହେତୁ ଆୟୁର୍ବେଦ ଗବେଷଣା ପାଇଁ ସୁଯୋଗ ରହିଛି। ପାହାଡ଼ ଚଢାଳି ମାନଙ୍କ ପାଇଁ ମଧ୍ୟ ଏହି ପାହାଡ଼ଟିକୁ ତାଲିମ କେନ୍ଦ୍ର ରୂପେ ବ୍ୟବହାର କରାଯାଇ ପାରିବ। କିନ୍ତୁ ଏଥିପ୍ରତି କାହାରବି ଧ୍ୟାନ ଆକର୍ଷିତ ହେଉନାହିଁ। ଯାହା ଫଳରେ ପର୍ଯ୍ୟଟକ ମାନଙ୍କୁ ଆକୃଷ୍ଟ କଲାପରି କିଛି ହେଇପାରୁ ନାହିଁ । ବରଗଡ଼ ସହର ଧନୁଯାତ୍ରା ପାଇଁ ପ୍ରସିଦ୍ଧ ହୋଇଥିଲେ ସୁଦ୍ଧା ଯାତ୍ରା ସମୟରେ ମାତ୍ର ୧୦ ଦିନ ଏହା ଦେଖିବାର ସୁଯୋଗ ମିଳେ। ଯାତ୍ରା ସରିଗଲେ କୌଣସି ପର୍ଯ୍ୟଟକ ଆସି ଧନୁଯାତ୍ରାର କିଛି ସ୍ମାରକୀ ଦେଖିବାକୁ ଚାହିଁଲେ କୌଣସି ବ୍ୟବସ୍ଥା କରାଯାଇନାହିଁ। ଜିଲ୍ଲାରେ ପର୍ଯ୍ୟଟନ ଶିଳ୍ପ କମିଯାଉଥିବାରୁ ରାଜ୍ୟ ସରକାର ଦୃଷ୍ଟି ଦେଇ ପଦକ୍ଷେପ ଗ୍ରହଣ କରିବାକୁ ବିଭିନ୍ନ ମହଲରେ ଦାବୀ ହେଉଛି ।
BREAKING NEWS
- ଭୁବନେଶ୍ୱରରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ
- ବିଜେଡି, କଂଗ୍ରେସ ଛାଡିବା ପରେ ବିଜେପିରେ ସାମିଲ ହେଲେ ଜଜ୍ଞେଶ୍ୱର ବାବୁ
- ବିବାଦ ଘେରରେ ଆଇପିଏସ ଆଶିଷ ସିଂ, ନିର୍ବାଚନ କମିଶନଙ୍କ ନିକଟରେ ଫେରାଦ ହେଲା ବିଜେପି
- ବିଜେପିରେ ଯୋଗ ଦେଲେ ସାଂସଦ ମନୋଜ ତିୱାରୀଙ୍କ ଝିଅ
- ରାମଲାଲାଙ୍କୁ ସାଷ୍ଟାଙ୍ଗ ପ୍ରଣିପାତ କଲେ ମୋଦୀ, ଆରମ୍ଭ କଲେ ବିଶାଳ ରୋଡ ଶୋ
- ସହଜ ନୁହେଁ ସାନଖେମୁଣ୍ଡି
- ବିଏସପିରେ ଯୋଗ ଦେଲେ ଆପର ପୂର୍ବତନ ମନ୍ତ୍ରୀ ରାଜକୁମାର
- ଆଚରଣ ବିଧି ଉଲ୍ଲଙ୍ଘନ ଅଭିଯୋଗରେ ମେହେବୁବା ମୁଫତିଙ୍କୁ ନୋଟିସ ଜାରି କଲେ ନିର୍ବାଚନ ଆୟୋଗ
- ବାୟୁସେନା ଗାଡି ଉପରେ ଆତଙ୍କବାଦୀ ଆକ୍ରମଣ, ବିଜେପିର ନିର୍ବାଚନୀ ଷ୍ଟଣ୍ଟ: ଚନ୍ନି
- ଗୁଜୁରାଟରେ ୩୫ ଜଣ ମୁସଲମାନ ପ୍ରାର୍ଥୀ ଲଢିବେ ନିର୍ବାଚନ, କଂଗ୍ରେସ କେତେ ଜଣଙ୍କୁ ଦେଲା ଟିକେଟ୍ ?