ୱାସିଂଟନ: ଆମେରିକାର ରାଷ୍ଟପତି ପଦରେ ଡୋନାଲ୍ଡ ଟ୍ରମ୍ପ ଆଉ ମାତ୍ର ୬ ଦିନ ରହିବାର ଅଛି । କାରଣ ଜାନୁଆରି ୨୦ ତାରିଖରେ ଆମେରିକାର ନୂଆ ରାଷ୍ଟ୍ରପତି ଭାବେ ଶପଥ ନେବେ ଜୋ ବାଇଡେନ । ତେବେ ଟ୍ରମ୍ପ ଏହି ୬ ଦିନ ମଧ୍ୟ ନିଜ ପଦରେ ରହି ପାରିବେ କି ନାହିଁ, ସନ୍ଦେହ ଦେଖା ଦେଲାଣି ।
କାରଣ ଟ୍ରମ୍ପଙ୍କ ବିରୋଧରେ ମହାଭିଯୋଗ ପ୍ରସ୍ତାବ ଆଣିଛନ୍ତି ଡେମୋକ୍ରାଟମାନେ । ଏହାର ପ୍ରକ୍ରିୟା ମଧ୍ୟ ଆରମ୍ଭ ହୋଇ ଯାଇଛି । ଏବେ ସତକୁ ସତ ଟ୍ରମ୍ପ ନିଜ କାର୍ଯ୍ୟକାଳ ସରିବା ପୂର୍ବର ନିଜ ପଦରୁ ତଡା ଖାଇପାରନ୍ତି । କାରଣ ଡେମୋକ୍ରାଟଙ୍କ ମହାଭିଯୋଗ ପ୍ରସ୍ତାବକୁ ଟ୍ରମ୍ପଙ୍କ ନିଜର ଦଳ ରିପବ୍ଲିକାନ ପାର୍ଟିର କିଛି ହାଉସ୍ ଅଫ୍ ରିପ୍ରେଜେଣ୍ଟେଟେଟିଭ୍ ସମର୍ଥନ କଲେଣି ।
ଗତ ବୁଧବାର କ୍ୟାପିଟଲ ହିଲ୍ରେ ହୋଇଥିବା ହିଂସାକାଣ୍ଡ ଓ ଅରାଜକତା ପାଇଁ ଟ୍ରମ୍ପଙ୍କୁ ଦାୟୀ କରି ସେମାନେ ଏହି ମହାଭିଯୋଗ ପ୍ରସ୍ତାବକୁ ସମର୍ଥନ କରିଛନ୍ତି । ଏହି ନେତାଙ୍କ ମତରେ ଯଦି କ୍ୟାପିଟଲ ହିଲ୍ ପରି କାଣ୍ଡରେ ସଂପୃକ୍ତ ବ୍ୟକ୍ତି ବିରୋଧରେ ଯଦି ମହାଭିଯୋଗ ପ୍ରସ୍ତାବ ଅଣାନଯିବ, ତେବେ ଆଉ କେଉଁ କାମ ପାଇଁ ଏପରି ଦଣ୍ଡ ଦିଆଯିବ । ଟ୍ରମ୍ପ ଯାହା କରିଛନ୍ତି, ତାହା ଦେଶର ଗଣତନ୍ତ୍ର ପ୍ରତି ଘୋର ବିପଦ ବୋଲି ଏମାନେ ଦର୍ଶାଇଛନ୍ତି ।
ଆମେରିକାକୁ, ସମ୍ବିଧାନକୁ, ଆମେରିକାର ନାଗରିକଙ୍କୁ ଏପରିକି ରାଷ୍ଟ୍ରପତି ପଦକୁ ଟ୍ରମ୍ପ ଧୋକା ଦେଇଛନ୍ତି ବୋଲି ଅଭିଯୋଗ କରିଛନ୍ତି ଏହି ନେତାମାନେ ।
ଟ୍ରମ୍ପଙ୍କ ବିରୋଧରେ ଆସିଥିବା ମହାଭିଯୋଗ ପ୍ରସ୍ତାବ ଉପରେ ଆଜି ଆଲୋଚନା ହେବାର ଅଛି । ଏହି ପ୍ରସଙ୍ଗରେ ଡେମୋକ୍ରାଟଙ୍କ ପ୍ରସ୍ତାବକୁ ସମର୍ଥନ କରିବା ପାଇଁ ଅନ୍ୟ ରିପବ୍ଲିକାନ ନେତାଙ୍କୁ ମଧ୍ୟ ଅନୁରୋଧ କରିଛନ୍ତି ଟ୍ରମ୍ପଙ୍କ ବିରୋଧୀ ।
ଗତ ବୁଧବାର ଯେତେବେଳେ ବାଇଡେନଙ୍କୁ ଆନୁଷ୍ଠାନିକ ଭାବେ ଆମେରିକା ରାଷ୍ଟ୍ରପତି ନିର୍ବାଚନରେ ବିଜୟୀ ହୋଇଛନ୍ତି ବୋଲି ଘୋଷଣା କରିବାର ଥିଲା, ସେତେବେଳେ ଟ୍ରମ୍ପଙ୍କ ସମର୍ଥକମାନେ କ୍ୟାପିଟଲ ହିଲରେ ବ୍ୟାପକ ହିଂସାକାଣ୍ଡ କରିଥିଲେ । ସୃଷ୍ଟି ହୋଇଥିଲା ଅରାଜକତା । ଆମେରିକା ଇତିହାସରେ ଏପରି କେବେ ବି ହୋଇନଥିଲା । ଏପରିକି ସିନେଟରମାନଙ୍କୁ ଲୁଚିବାକୁ ପଡିଥିଲା । ପରିସ୍ଥିତିକୁ ନିୟନ୍ତ୍ରଣ କରିବାକୁ ଗୁଳି ଚଳାଇଥିଲେ ସୁରକ୍ଷାକର୍ମୀ । ଏହି ଅରାଜକତା ପାଇଁ ଟ୍ରମ୍ପ ଓ ସେ ଦେଇଥିବା ଉତ୍ତେଜକ ଭାଷଣକୁ ଦାୟୀ କରାଯାଉଛି ।
BREAKING NEWS
- ଭିଜିଲାନ୍ସ ଜାଲରେ ବରିଷ୍ଠ କିରାଣି ଜିତେନ୍ଦ୍ର ସେନାପତି
- ୯୦ ଦଶକ ବଲିଉଡର ରହସ୍ୟ ଉଜାଗର କଲେ ସୋନାଲୀ ବେନ୍ଦ୍ରେ
- ସନ୍ତୋଷଙ୍କୁ ନୀଳଗିରି ପାର୍ଥୀ କଲା ବିଜେପି
- ପ୍ରାର୍ଥୀ କଲାନି ବିଜେପି, ବରୀରୁ ସ୍ୱାଧୀନ ଭାବେ ନିର୍ବାଚନ ଲଢ଼ିବେ ଦେବାଶିଷ ନାୟକ
- ପଶ୍ଚିମବଙ୍ଗ ରାଜ୍ୟପାଳଙ୍କ ନାଁରେ ଅସଦାଚରଣ ଅଭିଯୋଗ, ଥାନାର ଦ୍ୱାରସ୍ଥ ହେଲେ କାର୍ଯ୍ୟରତ ମହିଳା କର୍ମାଚାରୀ
- ରାଜ୍ୟପାଳଙ୍କ ଉପରେ ଲାଗିଲା ଯୌନ ଉତ୍ପୀଡନର ଆରୋପ , ପୋଲିସ୍ ଓ କର୍ମୀଙ୍କୁ ରାଜଭବନ ମନା
- ବିଜେଡି ଛାଡ଼ିଲେ ପୂର୍ବତନ ବିଧାୟକ ରବି ନାରାୟଣ ମହାପାତ୍ର
- ଅମିତ ଶାହାଙ୍କ ନକଲି ଭିଡିଓ ମାମଲାରେ ବଡ଼ ଖୁଲାସା: ତେଲେଙ୍ଗାନାରୁ ପୋଷ୍ଟ ହୋଇଥିଲା ଭିଡିଓ, ୪ ଗିରଫ
- ବିଜେପି ଛାଡିଲେ ଅଭିନେତ୍ରୀ ଜିନା ସାମଲ
- ଅମେଠିରୁ ଟିକେଟ ମିଳିବା ପରେ ଆସିଲା କିଶୋରୀ ଲାଲଙ୍କ ପ୍ରତିକ୍ରିୟା, କହିଲେ ୪୦ ବର୍ଷ ଧରି ସେବା କରିଆସିଛି