ନୂଆଦିଲ୍ଲୀ: ଭାରତରେ କରୋନା ଟିକାକରଣ ଜାରି ରହିଛି । ଅନ୍ୟପଟେ ହ୍ରାସ୍ ପାଉଥିବା ସଂକ୍ରମିତଙ୍କ ସଂଖ୍ୟା ଆଶ୍ୱସ୍ତି ଆଣିଛି । ଦୈନିକ କରୋନା ସଂକ୍ରମଣ ୧୦ ହଜାର ତଳକୁ ଖସିଛି । ଏନେଇ କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରଣାଳୟ ସୂଚନା ଦେଇଛି । ଗତ ୨୪ ଘଣ୍ଟାରେ ଦେଶରେ କରୋନା ସଂକ୍ରମଣର ୯ ହଜାର ୧୦୨ଟି ମାମଲା ସାମନାକୁ ଆସିଛି । ଏଥିସହ ଦେଶରେ ମୋଟ କରୋନା ସଂକ୍ରମିତଙ୍କ ସଂଖ୍ୟା ୧ କୋଟି ୬ ଲକ୍ଷ ୭୬ ହଜାର ୮୩୮କୁ ବୃଦ୍ଧି ପାଇଛି ।
India reports 9,102 new #COVID19 cases, 15,901 discharges and 117 deaths in last 24 hours, as per Union Health Ministry
Total cases: 1,06,76,838
Active cases: 1,77,266
Total discharges: 1,03,45,985
Death toll: 1,53,587Total vaccinated: 20,23,809 pic.twitter.com/cl90PtNQJ4
— ANI (@ANI) January 26, 2021
ଦେଶରେ କରୋନା ସଂକ୍ରମିତଙ୍କ ସଂଖ୍ୟା ହ୍ରାସ ପାଉଥିବା ବେଳେ ଆରୋଗ୍ୟ ହାର୍ ଅଧିକ ରହିଛି । ଗତ ୨୪ ଘଣ୍ଟାରେ ୧୫ ହଜାର ୯୦୧ ଜଣ କରୋନାରୁ ସୁସ୍ଥ ହୋଇଥିବା ଜଣାପଡ଼ିଛି । ଗତ ୨୪ ଘଣ୍ଟାରେ ୧୧୭ ଜଣ କରୋନା ସଂକ୍ରମିତଙ୍କ ମୃତ୍ୟୁ ହୋଇଛି । ଏଯାବତ୍ ୧ କୋଟି ୩ ଲକ୍ଷ ୪୫ ହଜାର ୯୮୫ ଜଣ ସଂକ୍ରମିତ କରୋନାରୁ ସୁସ୍ଥ ହୋଇଥିବା ବେଳେ ମୃତ୍ୟୁ ସଂଖ୍ୟା ୧ ଲକ୍ଷ ୫୩ ହଜାର ୫୮୭ରେ ପହଞ୍ଚିଛି ।
📍#COVID19 Vaccination Tracker
(upto 25th January, 2021 till 07:10 PM)✅All-India beneficiaries vaccinated: 19,50,183#We4Vaccine #LargestVaccinationDrive #Unite2FightCorona pic.twitter.com/MKw6jx3qtO
— #IndiaFightsCorona (@COVIDNewsByMIB) January 26, 2021
ଅନ୍ୟପଟେ ଜାନୁଆରୀ ୧୬ରୁ ଦେଶବ୍ୟାପୀ କୋଭିଡ୍ ଟିକାକରଣ ଜାରି ରହିଛି । ୨୫ ତାରିଖ ସୁଦ୍ଧା ୧୯ ଲକ୍ଷ ୫୦ ହଜାର ୧୮୩ ଜଣ ପ୍ରଥମ ପର୍ଯ୍ୟାୟରେ ଟିକା ନେଇଛନ୍ତି । ଗତ ୨୪ ଘଣ୍ଟାରେ ୩ ଲକ୍ଷ ୩୪ ହଜାର ୬୭୯ ଜଣଙ୍କୁ କୋଭିଡ୍ ଟିକା ଦିଆଯାଇଛି । କର୍ଣ୍ଣାଟକରେ ସର୍ବାଧିକ ୨ ଲକ୍ଷ ୩୦ ହଜାର ୧୧୯ ଜଣଙ୍କୁ କୋଭିଡ୍ ଟିକା ଦିଆଯାଇଥିବା ବେଳେ ଡାମନ ଡିଉରେ ସବୁଠୁ କମ୍ ୩୨୦ ଜଣ ଭ୍ୟାକ୍ସିନ୍ ନେଇଛନ୍ତି ।