ଭୁବନେଶ୍ୱର: ମିସେସ୍ ଇଣ୍ଡିଆ ୨୦୨୦ର ମୁକୁଟ ଜିତି ଓଡିଶାର ନବଦୀପ କୌର ରାଜ୍ୟ ପାଇଁ ଗୌରବ ଆଣିଛନ୍ତି।
ସୁନ୍ଦରଗଡ ଜିଲ୍ଲାର କନ୍ସବାହାଲରୁ ଆସିଥିବା ନବଦୀପ ଅକ୍ଟୋବର ୨୦୨୦ ରେ ମିସେସ୍ ଇଣ୍ଡିଆ ଅନଲାଇନ୍ ପ୍ରତିଯୋଗିତାରେ ଭାଗ ନେଇଥିଲେ। ଅନେକ ପର୍ଯ୍ୟାୟରେ ଉତ୍ତୀର୍ଣ୍ଣ ହେବା ପରେ ନବଦୀପ ନିକଟରେ ଦାମନରେ ଆୟୋଜିତ ଫାଇନାଲ ରାଉଣ୍ଡରେ ଜିତିଥିଲେ।
ଏହି ସଫଳତା ଉପରେ ନବଦୀପ ଖୁସି ବ୍ୟକ୍ତ କରି କହିଛନ୍ତି ଯେ “ବିବାହ ପରେ ଜଣେ ମହିଳା ନିଜ ସ୍ୱପ୍ନକୁ ମଧ୍ୟ ପୂରଣ କରିପାରନ୍ତି। ସେ ତାଙ୍କ ପିତାମାତା ଏବଂ ପରିବାରକୁ ଗର୍ବିତ କରିପାରିଥିବାରୁ ମୁଁ ବେଶ୍ ଖୁସି ଅନୁଭବ କରୁଛି।
ସେ ସମଗ୍ର ଭାରତରେ ୬୨ ଅଂଶଗ୍ରହଣକାରୀଙ୍କ ମଧ୍ୟରୁ ବିଜେତା ଭାବରେ ବିବେଚିତ ହୋଇଥିଲେ। ନବଦୀପ ବର୍ତ୍ତମାନ ମିସେସ୍ ୱାର୍ଲ୍ଡ ୨୦୨୦ ରେ ଭାରତର ପ୍ରତିନିଧିତ୍ୱ କରିବେ।
ଅନୁପ୍ରୀତ କୌର ପ୍ରଥମ ରନର୍ ଅପ୍ ହୋଇଥିଲେ ଏବଂ ଏହି ପ୍ରତିଯୋଗିତାରେ ଶ୍ରୁତି ଚୌହାନ୍ ଦ୍ୱିତୀୟ ରନର୍ ଅପ୍ ହୋଇଥିଲେ।
Comments are closed.