ନୂଆଦିଲ୍ଲୀ: ପାଞ୍ଚଟି ରାଜ୍ୟ ନିର୍ବାଚନରେ କେଉଁଠି କିଏ ଗଢ଼ିବ ସରକାର ? ପ୍ରଚାର ମୈଦାନ ଏବେ କମ୍ପୁଛି । ଏହାରି ଭିତରେ ସାମନାକୁ ଆସିଛି ଟାଇମ୍ସ ନାଓ-ସିଭୋଟର ଓପିନିଅନ୍ ପୋଲ୍ । ପଶ୍ଚିମବଙ୍ଗରେ ଦିଦି ପୁଣି ଗଢ଼ିବେ ସରକାର । ମମତା ବାନାାର୍ଜୀଙ୍କ ନେତୃତ୍ୱରେ ବେଙ୍ଗଲରେ ଟିଏମସି କ୍ଷମତା ବଜାୟ ରଖିବ । ଆକଳନ କହୁଛି ୨୯୪ ବିଧାନସଭା ଆସନରୁ ଟିଏମସି ୧୫୪, ବିଜେପିକୁ ୧୦୭ଟି ଆସନ ମିଳିବ । ସରକାର ଗଢ଼ି ନପାରିଲେ ମଧ୍ୟ ବିଜେପି ୨୦୧୬ ତୁଳନାରେ ଅଧିକ ସିଟ୍ ହାତେଇବ । କଂଗ୍ରେସ-ବାମ ଦଳ ମେଣ୍ଟକୁ ଯାଇପାରେ ୩୩ଟି ଆସନ ।
ତାମିଲନାଡୁରେ କ୍ଷମତା ପରିବର୍ତ୍ତନ
ତାମିଲନାଡୁରେ ସରକାର ଗଢ଼ିବ ୟୁପିଏ ମେଣ୍ଟ । ନାଇମ୍ସ ନାଓ ସର୍ଭେ ଅନୁସାରେ ଡିଏମକେ-କଂଗ୍ରେସ ମେଣ୍ଟ ସପକ୍ଷରେ ଯିବା ଜନାଦେଶ । ୨୩୪ ବିଧାନସଭା ଆସନରୁ ୟୁପିଏକୁ ୧୫୮, ଏନଡିଏକୁ ୬୫ ଓ ଅନ୍ୟାନ୍ୟ ଦଳଙ୍କୁ ୧୧ଟି ସିଟ୍ ମିଳିପାରେ ।
ଆସାମରେ କାଣ୍ଟେ କା ଟକ୍କର
ଟାଇମ୍ସ ନାଓ ଓପିନିଅନ୍ ପୋଲ୍ କହୁଛି, ଆସାମରେ ପୁଣି ଥରେ କ୍ଷମତା ବଜାୟ ରଖିବ । କିନ୍ତୁ କାଣ୍ଟେ କା ଟକ୍କର ହେବ । ୧୨୬ ବିଧାନସଭା ଆସନ ବିଶିଷ୍ଟ ଆସାମରେ ଏନଡିଏ ମେଣ୍ଟକୁ ୬୭ ଓ ୟୁପିଏକୁ ମିଳିପାରେ ୫୭ଟି ସିଟ୍ । ଅନ୍ୟାନ୍ୟ ଦଳ ୨ଟି ଆସନରେ ବିଜୟୀ ହୋଇପାରନ୍ତି ।
କେରଳରେ ଏଲଡିଏଫ୍ ସରକାର
କେରଳରେ ପୁଣି ଥରେ ଶାସନ ଗାଦିରେ ବସିବ ଏଲଡିଏଫ୍ । ୧୪୦ ଆସନରୁ ଏଲଡିଏଫ୍ ୮୨, ୟୁଡିଏଫକୁ ୫୬ ଓ ଅନ୍ୟାନ୍ୟ ଦଳଙ୍କୁ ମିଳିପାରେ ଗୋଟିଏ ସିଟ୍ ।
ପୁଡୁଚେରୀରେ ଏନଡିଏ ସରକାର
ପୁଡୁଚେରୀରେ କଂଗ୍ରେସକୁ ଝଟକା ଲାଗିପାରେ । ସେଠାରେ ସରକାର ଗଢ଼ିପାରେ ଏନଡିଏ ମେଣ୍ଟ । ବିରୋଧୀ ସିଟରେ ବସିବ ୟୁପିଏ ମେଣ୍ଟ । ୩୦ ବିଧାନସଭା ଆସନରୁ ନାଇମ୍ସ ନାଓ ସର୍ଭେ ଏନଡିଏକୁ ୧୮ ଓ ୟୁପିଏ ମେଣ୍ଟକୁ ଦେଇଛି ୧୨ଟି ସିଟ୍ ମିଳିବ ବୋଲି କହିଛି ।
BREAKING NEWS
- ମାଗଣା ବିଜୁଳି ପ୍ରତିଶ୍ରୁତି କରେଣ୍ଟ ବିଜେପିକୁ ଜୋରଦାର ଲାଗିଛି: ବିଜେଡି
- ଗିରଫ ହେଲେ ଝାଡଖଣ୍ଡ ମନ୍ତ୍ରୀ ଆଲାମଗିର ଆଲାମ
- ‘ବିଜେପି ନେଲାବେଳେ ଚତୁର୍ଭୁଜ, ଦେଲାବେଳେ ଖାଲି ହାତ’
- ଚାରିଧାମ ଯାତ୍ରାରେ ଯାଇ ୧୧ଶ୍ରଦ୍ଧାଳୁଙ୍କ ମୃତ୍ୟୁ, ୨ଦିନ ପର୍ଯ୍ୟନ୍ତ ବନ୍ଦ ରହିବ ଅଫଲାଇନ ରେଜିଷ୍ଟେ୍ରଶନ
- ୭୫ ବର୍ଷ ବୟସରେ ବାପାଙ୍କ ବିବାହ କରାଇଲେ ଝିଅ
- ‘ମୁଖ୍ୟମନ୍ତ୍ରୀଙ୍କ ହାତମୁଠା ଟାଣ ହେଲେ ରାଉରକେଲାର ବିକାଶ ଦୁଇ ଗୁଣା ହେବ’
- ନିଜକୁ ଗୁଳି କରି ଆତ୍ମହତ୍ୟା କଲେ ସଚିନ ତେନ୍ଦୁଲକରଙ୍କ ସୁରକ୍ଷାରେ ନିୟୋଜିତ ଯବାନ
- କଟକରେ ପାଓ୍ବାର ସୋ କରୁଛନ୍ତି ଅମିତ୍ ଶାହା
- ସିଏଏରେ ୧୪ ଜଣଙ୍କୁ ମିଳିଲା ଭାରତର ନାଗରିକତା ପ୍ରମାଣପତ୍ର
- କାହାର ହେବ ରଘୁନାଥପାଲୀ ?