ମୁମ୍ବାଇ:ଦକ୍ଷିଣ ଭାରତ ଫିଲ୍ମ ନିର୍ଦ୍ଦେଶକ ଏସଏସ ରାଜମୌଲୀଙ୍କ ଆଗାମୀ ଫିଲ୍ମ ଆରଆରଆର ପ୍ରିରିଲିଜ ବ୍ୟବସାୟରେ ରେକର୍ଡ କରିଛି । ମିଡିଆ ରିପୋର୍ଟସ ଅନୁସାରେ ଏହି ଫିଲ୍ମ ରିଲିଜ ପୂର୍ବରୁ ୯୦୦ କୋଟି ଆୟ କରିସାରିଛି । ପୂର୍ବରୁ ବାହୁବଳୀ-୨ ପ୍ରିରିଲିଜରେ ୫୦୦ କୋଟି ଆୟ କରିଥିଲା । ଏହା ମଧ୍ୟ ରାଜମୌଲୀଙ୍କ ଫିଲ୍ମ ଥିଲା । ସେହିପରି ପ୍ରଥମ ଥର ପାଇଁ କୌଣସି ସାଉଥ ଫିଲ୍ମ ନର୍ଥ ଇଣ୍ଡିଆ ଥିଏଟରିକାଲ ରାଇଟ୍ସରେ ୧୪୦ କୋଟି ଆୟ କରିଛି । ପେନ ଇଣ୍ଡିଆ ଏହି ରାଇଟ୍ସ କ୍ରୟ କରିଛି । ଏହି ଫିଲ୍ମରେ ଜୁନିୟର ଏନଟିଆର, ରାମଚରଣ ତେଜା, ଅଜୟ ଦେବଗାନ ଓ ଆଲିୟା ଭଟ୍ଟ ମୂଖ୍ୟ ଭୂମିକାରେ ଅବତୀର୍ଣ୍ଣ ହୋଇଛନ୍ତି ।
ଆରଆରଆର ଫିଲ୍ମ ରାଇଟ୍ସ ବାବଦକୁ ଆନ୍ଧ୍ରପ୍ରଦେଶରେ ୧୬୫ କୋଟି, ନର୍ଥ ଇଣ୍ଡିଆରେ ୧୪୦ କୋଟି, ନିଜାମରେ ୭୫ କୋଟି, ତାମିଲନାଡୁରେ ୪୮ କୋଟି, କର୍ଣ୍ଣାଟକରେ ୪୫ କୋଟି, କେରଳରେ ୧୫ କୋଟି ଓ ଓଭରସିଜରେ ୭୦ କୋଟି ଆୟ କରିସାରିଛି । ଡିଜିଟାଲ ରାଇଟ୍ସ ୧୭୦ କୋଟି, ସାଟେଲାଇଟ ରାଇଟ୍ସ(ସମସ୍ତ ଭାଷା) ୧୩୦ ଓ ମ୍ୟୁକିଜ ରାଇଟ୍ସ ବାବଦକୁ ୨୦ କୋଟି ଆୟ କରିଛି ।
Comments are closed.