ବଲାଙ୍ଗିର: ବୌଦ୍ଧ-କନ୍ଧମାଳ ସୀମାନ୍ତ ଗୁଡଭେଲାରୁ ଜଣେ କ୍ୟାଡର ମାଓବାଦୀକୁ ଅଟକ ରଖାଯାଇଥିବା ସୂଚନା ମିଳିଛି । ଜଣେ ସହଯୋଗୀଙ୍କୁ ବି ଅଟକ ରଖାଯାଇଛି । ସେମାନେ ସମସ୍ତେ KKBN ମାଓ ସଂଗଠନର ସଦସ୍ୟ । ଖପ୍ରାଖୋଲ ଅଭିମୁଖେ ଯିବା ବେଳେ ଏମାନଙ୍କୁ ଅଟକ ରଖିଛି ବଲାଙ୍ଗିର ପୋଲିସ । ସେମାନଙ୍କୁ ପଚରାଉଚରା ଚାଲିଥିବା ବେଳେ ବର୍ତ୍ତମାନ ସୁଦ୍ଧା ଅଧିକ ତଥ୍ୟ ମିଳି ପାରିନାହିଁ ।
ନିକଟରେ ବୌଦ୍ଧ-କନ୍ଧମାଳ ସୀମାନ୍ତ ଜଙ୍ଗଲରେ ପୋଲିସ-ଏସଓଜି ଯବାନଙ୍କ ମଧ୍ୟରେ ଗୁଳି ବିନିମୟ ହୋଇଥିଲା । ଏଥିରେ ଦୁଇ ଜଣ ଏସଓଜି ଯବାନ ଆହତ ହୋଇଥିଲେ । ଅଟକ ମାଓବାଦୀଙ୍କ ପାଖରୁ ଗୁଳି ବିନିମୟ ସମ୍ପର୍କରେ ସୂଚନା ମିଳିପାରେ । କାରଣ ବୌଦ୍ଧ, କନ୍ଧମାଳ ଅଞ୍ଚଳରେ KKBN ମାଓ ସଂଗଠନ ସକ୍ରିୟ ରହିଛି ।
Comments are closed.