ଭୁବନେଶ୍ୱର : ଓଡିଶା ଦକ୍ଷତା ବିକାଶ ପ୍ରାଧିକରଣ (ଓଏସଡିଏ) ଅଧ୍ୟକ୍ଷ ପଦରୁ ସୁବ୍ରତ ବାଗଚି୍ ଇସ୍ତଫା ପ୍ରଦାନ କରିଛନ୍ତି ।
ଏନେଇ ଶ୍ରୀଯୁକ୍ତ ବାଗଚି୍ ତାଙ୍କ ଟ୍ୱିଟର ହ୍ୟାଣ୍ଡେଲରେ ଇସ୍ତଫା ସମ୍ପର୍କରେ ସୂଚନା ପ୍ରଦାନ କରିଛନ୍ତି।
An imminent threat of hostile takeover of Mindtree has made me to resign from the Government to be able to go, save the company. I must protect the Tree from people who have arrived with bulldozers & saw chains to cut it down so that in its place, they can build a shopping mall.
— Subroto Bagchi (@skilledinodisha) March 17, 2019
ଏଥିସହିତ ତାଙ୍କ ଦ୍ୱାରା ସ୍ଥାପିତ ହୋଇଥିବା ‘ମାଇଣ୍ଡ ଟ୍ରି’ କମ୍ପାନୀକୁ ‘ଏଲ୍ ଆଣ୍ଡ୍ ଟି’ କମ୍ପାନ ଅଧିଗ୍ରହଣ କରିବାକୁ ଉଦ୍ୟମ କରୁଛି । ସେହି ସଙ୍କଟରୁ ନିଜ କମ୍ପାନୀକୁ ଉଦ୍ଧାର କରିବା ପାଇଁ ସେ ଏଭଳି ନିଷ୍ପତ୍ତି ନେଇଥିବା ପ୍ରକାଶ କରିଛନ୍ତି ।
ଶ୍ରୀଯୁକ୍ତ ବାଗଚି୍ ଆହୁରି ମଧ୍ୟ କହିଛନ୍ତି, ଏହି ସଙ୍କଟର ସମାଧାନ ଲାଗି ସେ ଖୁବଶୀଘ୍ର ବେଙ୍ଗାଲୁରୁ ଅଭିମୁଖେ ଗସ୍ତ କରିବେ ।
ସୂଚନାଯୋଗ୍ୟ, ୨୦୧୬ ମସିହାରେ ରାଜ୍ୟ ସରକାର ଶ୍ରୀଯୁକ୍ତ ବାଗଚିଙ୍କୁ କ୍ୟାବିନେଟ୍ ମନ୍ତ୍ରୀ ପାହ୍ୟା ପ୍ରଦାନ କରିଥିଲେ । ରାଜ୍ୟର ଯୁବବର୍ଗଙ୍କ ଦକ୍ଷତା ବିକାଶ କରି ସେମାନଙ୍କୁ ନିଯୁକ୍ତିକ୍ଷମ କରିବା ଲାଗି ତାଙ୍କୁ କ୍ୟାବିନେଟ୍ ମନ୍ତ୍ରୀ ରୂପେ ନିଯୁକ୍ତି ଦେଇଥିଲେ ।