ବୁର୍ଲା ଏମସିଏଲରେ ଭୟାବହ ଅଗ୍ନିକାଣ୍ଡ

ସମ୍ବଲପୁର: ବୁର୍ଲା ଏମସିଏଲରେ ଭୟାବହ ଅଗ୍ନିକାଣ୍ଡ । ନିଆଁ ଲାଗିବା ଫଳରେ ନଷ୍ଟ ହୋଇଯାଇଛି ଲକ୍ଷ ଲକ୍ଷ ଟଙ୍କାର ସମ୍ପତ୍ତି । ଆନନ୍ଦ ବିହାରସ୍ଥିତ ପାର୍କ ନିକଟରେ ଥିବା କମ୍ୟୁନିଟି ସେଣ୍ଟରରେ ଲାଗିଲା ନିଆଁ । ସଟସର୍କିଟ ଯୋଗୁଁ ନିଆଁ ଲାଗିଥିବା ଅନୁମାନ କରାଯାଉଛି । ଅଗ୍ନିଶମବାହିନୀ ନିଆଁକୁ ଆୟତ୍ତ କରିଥିଲେ ସୁଦ୍ଧା ସବୁ ପୋଡି ଛାରଖାର ହୋଇଯାଇଛି ।

ଏହି ଅଗ୍ନିକାଣ୍ଡ ରାତି ପ୍ରାୟ ସାଢ଼େ ୧୨ଟା ସମୟରେ ହୋଇଥିଲା। ପ୍ରାଥମିକ ତଦନ୍ତରୁ ଏହା ସର୍ଟ ସର୍କିଟ ଯୋଗୁଁ ହୋଇଥିବା ଅନୁମାନ କରାଯାଉଛି। ବୁର୍ଲା ଅଗ୍ନିଶମ ବିଭାଗକୁ ନିଆଁକୁ ଆୟତ୍ତ କରିବା ପାଇଁ ଦୀର୍ଘ ୪ ଘଣ୍ଟା ସମୟ ଲାଗିଥିଲା । ରାତି ହୋଇଥିବା ଯୋଗୁଁ କାହାରି କିଛି କ୍ଷତି ହୋଇନାହିଁ । ତେବେ ନିଆଁ ଏତେ ଭୟଙ୍କର ହୋଇଥିଲା ଯେ ପୁରା କ୍ଳବ ହାଉସଟି ପୋଡି ଛାରଖାର ହୋଇଯାଇଥିଲା। ତେବେ ଏମସିଏଲ ପକ୍ଷରୁ ଏହି ନିଆଁ କିପରି ଲାଗିଲା ତାର ତଦନ୍ତ କରାଯିବ ବୋଲି ଜଣାପଡିଛି।