କଟକ/ଭୁବନେଶ୍ୱର : ଗତକାଲି ଜୁନ ୨୫ ତାରିଖରେ ହିଁ ଥିଲା ବିଧାୟକ ପ୍ରଭାତ ବିଶ୍ୱାଳଙ୍କ ଜାମିନ ଆବେଦନର ଶୁଣାଣି ତାରିଖ । କିନ୍ତୁ ସିବିଆଇ ଓକିଲଙ୍କ ଅନୁପସ୍ଥିତତା ଯୋଗୁଁ ଆଜି ହିଁ ଜାମିନ ଆବେଦନର ଶୁଣାଣି ହେଉଛି ।
ବିଧାୟକ ପ୍ରଭାତ ବିଶ୍ୱାଳଙ୍କୁ ଗତ ଏପ୍ରିଲ ୨୫ରୁ ୨ମାସ ପାଇଁ ସର୍ତ୍ତମୂଳକ ଜାମିନ ଆବେଦନ ପ୍ରଦାନ କରିଥିଲେ ମାନ୍ୟବର ଓଡ଼ିଶା ହାଇକୋର୍ଟ । ତେବେ ଏହି ତାରିଖ ଗତକାଲି ଅର୍ଥାତ ୨୫ ଜୁନକୁ ଧାର୍ଯ୍ୟ ହୋଇଥିଲା ।
ବିଧାୟକ ପ୍ରଭାତ ବିଶ୍ୱାଳଙ୍କ ସ୍ୱାସ୍ଥ୍ୟବସ୍ଥା ଭଲ ରହୁନଥିବାରୁ ଏବେ ଏସ.ସି.ବି ମେଡ଼ିକାଲ କଲେଜ ଓ ହସ୍ପିଟାଲରେ ଚିକିତ୍ସିତ ହେଉଛନ୍ତି ।
ବିଧାୟକ ପ୍ରଭାତ ବିଶ୍ୱାଳ ସିସୋର ଚିଟଫଣ୍ଡ ଠକେଇ ମାମଲାରେ ଗିରଫ ହେବାପରେ ତାଙ୍କର ସ୍ୱାସ୍ଥ୍ୟର ଅବନତି କାରଣରୁ କଟକ ବଡ଼ମେଡ଼ିକାଲରେ ଏପର୍ଯ୍ୟନ୍ତ ତାଙ୍କର ଚିକିତ୍ସା କରାଯାଉଛି ।
ଅଦାଲତ ମଧ୍ୟ ପୂର୍ବରୁ ତାଙ୍କ ସ୍ୱାସ୍ଥ୍ୟଅବସ୍ଥା ସମ୍ପର୍କୀତ ସମସ୍ତ ରିପୋର୍ଟ ପ୍ରଦାନ କରିବାକୁ ନିର୍ଦ୍ଦେଶ ଦେଇଥିଲେ ।
ଏଠାରେ ସୂଚନାଯୋଗ୍ୟ ଗତବର୍ଷ ସେପ୍ଟେମ୍ବର ୧୯ ତାରିଖରେ ସିବିଆଇ ବିଧାୟକ ପ୍ରଭାତ ବିଶ୍ୱାଳଙ୍କୁ ସିସୋର ଠକେଇ ମାମଲାରେ ଗିରଫ କରିଥିଲା । ତେବେ ସିବିଆଇ ଓକିଲଙ୍କ ଅଦାଲତରେ ଅନୁପସ୍ଥିତା ଯୋଗୁଁ ଗତକାଲି ଏହି ଶୁଣାଣି କାର୍ଯ୍ୟ ହୋଇ ନପାରିବାରୁ ଆଜିର ତାରିଖରେ ଶୁଣାଣି ହେବାକୁ ସ୍ଥିର ହୋଇଛି ବୋଲି ଏକ ସୂତ୍ରରୁ ସୂଚନା ମିଳିିଛି ।