ସିଡିଏସ୍ ବିପିନ୍ ରାୱତଙ୍କ ମୃତ୍ୟୁରେ ଉଲ୍ଲସିତ ଯୁବକ ପୋଲିସ ହାତରେ ଗିରଫ

ଭୁବନେଶ୍ୱର: ସିଡିଏସ୍ ବିପିନ ରାୱତ ଓ ତାଙ୍କ ସ୍ତ୍ରୀଙ୍କ ସମେତ ଅନ୍ୟ ୧୨ଜଣଙ୍କ ମୃତ୍ୟୁ ନେଇ ସାରା ଭାରତ ମର୍ମାହତ । ଏପରିକି ଦେଶ ବାହାରୁ ମଧ୍ୟ ଶୋକବାର୍ତ୍ତାର ସୁଅ ଛୁଟିଛି । ଏପରି ସ୍ଥିତିରେ ଜଣେ ଭାରତୀୟ ବିପିନଙ୍କ ମୃତ୍ୟୁ ନେଇ ସୋସିଆଲ ମିଡିଆରେ ନିଜ ଖୁସୀ ଜାହିର କରିଥିଲା । ଏହି ଘଟଣା ସାମ୍ନାକୁ ଆସିବା ପରେ ପୋଲିସ ଉକ୍ତ ଯୁବକଙ୍କୁ ତୁରନ୍ତ ଗିରଫ କରିଛି ।

इस जाहिल जानवर, जवाद खान के ख़िलाफ़ सख़्त कार्यवाही की अपेक्षा है @TonkPolice_ pic.twitter.com/8AfxC4N3f7

— Laxmikant bhardwaj (@lkantbhardwaj) December 8, 2021

ରାଜସ୍ଥାନର ୨୧ ବର୍ଷୀୟ ଯୁବକ ଜୱାଦ ଖାନ । ଗତକାଲି ସିଡିଏସ୍ ବିପିନଙ୍କ ମୃତ୍ୟୁରେ ଉଲ୍ଲସିତ ହୋଇ ସୋସିଆଲ ମିଡିଆରେ ନିଜ ଖୁସୀ ଜାହିର କରିଥିଲା । ଏପରିକି ନିଜ ପୋଷ୍ଟରେ ବେଶ କିଛି ଦେଶଦ୍ରୋହୀ ମନ୍ତବ୍ୟ ମଧ୍ୟ ଉଲ୍ଲେଖ କରିବାକୁ ପଛାଇନଥିଲା । ଏହି ପୋଷ୍ଟ ପ୍ରଘଟ ହେବା ପରେ ରାଜସ୍ଥାନର ଟୋଙ୍କ ପୋଲିସ ଅଭିଯୁକ୍ତ ଖାନକୁ ଗିରଫ କରିବା ନେଇ ଏକ ଟୁଇଟ୍ ଜରିଆରେ ପ୍ରକାଶ କରିଛି ।

दिवंगत श्रीमान बिपिन रावत सीडीएस भारतीय सेना के विरुद्ध अमर्यादित टिप्पणी करने वाले व्यक्ति जावादखान, उम्र 21 वर्ष, निवासी नजर बाग रोड टोंक को गिरफ्तार कर लिया गया है, जिस पर कठोरतम विधिक कार्यवाही की जावेगी। #CDSChopperCrash #tonk @rajpolicehelp @igpajmer @omprakaships1 pic.twitter.com/Y7odb1yLAZ

— Tonk Police Rajasthan (@TonkPolice_) December 9, 2021

ରାଜ ଟକିଜ ଅଂଚଳରେ ରହୁଥିବା ଜୱାଦ ଖାନକୁ ଧରିବା ପାଇଁ ଟୋଙ୍କ ପୋଲିସ ୪ଟି ସ୍ୱତନ୍ତ୍ର ଟିମ୍ ଗଠନ କରିଥିଲା । ତଦନ୍ତରୁ ଜଣାପଡିଛି ଅଭିଯୁକ୍ତ ଖାନ ଇନଷ୍ଟାଗ୍ରାମ ତଥା ଟୁଇଟର୍ ପ୍ରୋଫାଇଲରେ ନିଜକୁ ତାଲିବାନ ସମର୍ଥକ ତଥା ଇସଲାମିକ ଫଣ୍ଡାମେଣ୍ଟାଲିଷ୍ଟ ଭାବେ ଉଲ୍ଲେଖ କରିଛି । ଏପରିକି ଗତକାଲି ଜଣେ ତାଲିବାନକୁ ପ୍ରଶଂସା କରି ଏକ ପୋଷ୍ଟ ମଧ୍ୟ କରିଥିଲା ।

ଅଭିଯୁକ୍ତ ଜୱାଦ ପୂର୍ବରୁ ମଧ୍ୟ ବାବ୍ରି ମସଜିଦ ତଥା ତାଲିବାନ ସମ୍ପର୍କିତ ଅନେକ ଉତ୍ତେଜକ ପୋଷ୍ଟ କରିଥିବା ଜଣାପଡିଛି । ଅଭିଯୁକ୍ତ ଜୱାଦକୁ ଟୋଙ୍କ ପୋଲିସ ଥାନାରେ ଅଟକ ରଖିଛି । ପଚରାଉଚରା ଜାରି ରହିଥିଲାବେଳେ ତାଲିବାନ ସହ ତାର ସମ୍ପର୍କ ଅଛି ନା ନାହିଁ, ସେ ନେଇ ଅଧିକ ତଦନ୍ତ ଜାରି ରହିଛି ।