ନୂଆଦିଲ୍ଲୀ: ଜାରି ରହିଛି ପାକିସ୍ତାନ ପ୍ରିମିଅର୍ ଲିଗ୍ (ପିଏସ୍ଏଲ୍) । ପିଏସଏଲ୍ ଦଳ ମୁଲତାନ୍ ସୁଲତାନ୍ସ ଦଳକୁ ଝଟ୍କା ଦେଲେ କୋଚ୍ ଆଣ୍ଡି ଫ୍ଲାୱାର୍ । ଚଳିତବର୍ଷ ହେବାକୁ ଆଇପିଏଲ୍ ପାଇଁ ସେ ପିଏସ୍ଏଲ୍ ଛାଡିଥିବା ସୂଚନା ରହିଛି ।
ଚଳିତବର୍ଷ ଆଇପିଏଲରେ ଲକ୍ଷ୍ନୌ ସୁପର୍ ଜାଏଣ୍ଟସ୍ ଦଳ ପାଇଁ ଆଣ୍ଡିି ଫ୍ଲାୱାର୍ ମୁଖ୍ୟ କୋଚ୍ ଭାବେ ନିଯୁକ୍ତ ହୋଇଛନ୍ତି । ଖାସ ଏହି କାରଣରୁ ଖେଳାଳି ନିଲାମ୍ ପୂର୍ବରୁ ତାଙ୍କୁ ଟିମରେ ଯୋଗ ଦେବାକୁ କୁହାଯାଇଥିଲା । ଅକ୍ସନ୍ରେ ସାମିଲ ହେବା ପୂର୍ବରୁ ଏହି ପୂର୍ବତନ ଜିମ୍ବାୱେ କ୍ରିକେଟର୍ ୭ ଦିନ ପାଇଁ ସଙ୍ଗରୋଧରେ ରହିବେ । ଖୁବଶୀଘ୍ର ସେ ଟିମ୍ ମେଣ୍ଟର୍ ଗୌତମ୍ ଗାମ୍ଭୀର ଓ ସହକାରୀ କୋଚ୍ ବିଜୟ ଦାହିୟାଙ୍କ ସହ ଅକ୍ସନ୍ରେ ସାମିଲ ହେବେ ।
ଅନ୍ୟପଟେ ପିଏସଏଲ୍ ମାମଲାରେ ଆଣ୍ଡି ଫ୍ଲାୱାର୍ ଭର୍ଚୁଆଲ୍ ମାଧ୍ୟମରେ ଉପସ୍ଥିତ ରହିବେ ବୋଲି ଜଣାପଡିଛି । ଫେବ୍ରୁଆରୀ ୧୩ରେ ହେବାକୁ ଥିବା ଆଇପିଏଲର ଖେଳାଳି ନିଲାମ ପରେ ସେ ପୁଣିଥରେ ମୁଲତାନ ସୁଲତାନ୍ସରେ ଯୋଗଦେବା ପାଇଁ ପାକିସ୍ତାନ ଯିବେ ।
ଲକ୍ଷ୍ନୌ ସୁପର୍ ଜାଏଣ୍ଟସ୍ ଦଳ ତରଫରୁ କେ.ଏଲ୍ ରାହୁଲଙ୍କୁ ଅଧିନାୟକ ଭାବେ ଚୟନ କରାଯାଇଛି । ସେହିଭଳି ଅଷ୍ଟ୍ରେଲୀୟ ଖେଳାଳି ମାର୍କସ୍ ଷ୍ଟୋଇନିସ୍ ଓ ଭାରତର ସ୍ପିନ୍ ସେନ୍ସେସନ୍ ରବି ବିଷ୍ଣୋଇ ମଧ୍ୟ ଲକ୍ଷ୍ନୌ ଦଳ ତରଫରୁ ଖେଳିବାରେ ନଜର ଆସିବେ ।
Comments are closed.