ଭୁବନେଶ୍ୱର : ‘କ୍ରମବିପନ୍ନତାର ଚଉମୁହାଣିରେ ଓଡ଼ିଶାର ଐତିହ୍ୟ’ ଶୀର୍ଷକରେ ଏକ ଆଭାସୀ ଆଲୋଚନା ଚକ୍ର କାର୍ଯ୍ୟକ୍ରମ ଆୟୋଜିତ ହୋଇଯାଇଛି ହିରଣ୍ମୟୀ ମିଶ୍ରଙ୍କ ସଭାପତିତ୍ୱରେ ଏହି କାର୍ଯ୍ୟକ୍ରମରେ ଇନଟାକର ଓଡ଼ିଶା ପ୍ରକଳ୍ପ ଶାଖାର ପରିଚାଳକ ଅନୀଲ ଧୀର ମୁଖ୍ୟବକ୍ତା ଭାବରେ ଯୋଗ ଦେଇଥିଲେ ।
ଏହି ଆଭାସୀ କାର୍ଯ୍ୟକ୍ରମରେ ଇନ୍ଦ୍ରମଣି ସାହୁ, ପଦ୍ମିନୀ ପ୍ରଦୀପ ଚକ୍ରବର୍ତ୍ତୀ ପ୍ରମୁଖ ଭାଗନେଇ କାର୍ଯ୍ୟକ୍ରମକୁ ସଫଳ କରାଇବାରେ ସହଯୋଗ କରିଥିଲେ । ଶେଷରେ ହିରଣ୍ମୟୀ ମିଶ୍ର ଏବଂ ରବୀନ୍ଦ୍ର କୁମାର ଦାସ ଆଗାମୀ ଦିନରେ ଯୁବପିଢିଙ୍କ ସହଯୋଗରେ ଓଡ଼ିଶାର ଭାଷା, ସାହିତ୍ୟ ଏବଂ ଐତିହ୍ୟ ଆଦିର ସଂରକ୍ଷଣ ତଥା ରକ୍ଷଣାବେକ୍ଷଣ ପାଇଁ ଫକୀରମୋହନ ଫାଉଣ୍ଡେସନ କିଭଳି ଗୁରୁ ଦାୟିତ୍ବ ବହନ କରିବ, ସେଥିପାଇଁ ଉପସ୍ଥିତ ଯୁବ ପୀଢିଙ୍କୁ ଆହ୍ବାନ କରିଥିଲେ ।
ଫକୀରମୋହନ ଫାଉଣ୍ଡେସନର ମ୍ୟାନେଜିଂ ଟ୍ରଷ୍ଟି ଡକ୍ଟର ମନିକା ଦାସ ଏହି କାର୍ଯ୍ୟକ୍ରମକୁ ଉଦଘାଟନ କରିଥିବା ବେଳେ ଅନିନ୍ଦିତା ଦାସ ଫକୀରମୋହନଙ୍କ କବିତାକୁ କଣ୍ଠ ସଙ୍ଗୀତରେ ପରିବେଷଣ କରିବା ସହିତ ଧନ୍ୟବାଦ ଅର୍ପଣ କରିଥିଲେ ।
Comments are closed.