ମୁମ୍ବାଇ: ଭାରତୀୟ ଟିମ ଇଂଲଣ୍ଡ ବିପକ୍ଷରେ ଟି୨୦ ସିରିଜ ଖେଳିବା ପରେ ୱେଷ୍ଟଇଣ୍ଡିଜ ଗସ୍ତରେ ଯିବ । ଏହି ଗସ୍ତରେ ଭାରତୀୟ କ୍ରିକେଟ ଦଳ ୩ ଦିନିକିଆ ଓ ୫ ଟି୨୦ ମ୍ୟାଚ ଖେଳିବ । ରିପୋର୍ଟ ମୁତାବକ ଏହି ଗସ୍ତରେ ଭାରତର ଦୁଇ ସିନିୟର ଖେଳାଳିଙ୍କୁ ବିଶ୍ରାମ ଦିଆଯିବ । ଏହା ସ୍ପଷ୍ଟ କରାଯାଇ ନ ଥିଲେ ମଧ୍ୟ ବିରାଟ କୋହଲି ଓ ଯଶପ୍ରୀତ ବୁମରାହଙ୍କ ନାମ ଉଠୁଛି । ୨୨ ଜୁଲାଇରୁ ଅଗଷ୍ଟ ପର୍ଯ୍ୟନ୍ତ ହେବାକୁ ଥିବା ଏହି ସୀମିତ ଓଭର ମୁକାବିଲା ୱେଷ୍ଟଇଣ୍ଡିଜ ଓ ଆମେରିକାରେ ଖେଳାଯିବ । ଚୟନ କମିଟି ମୁଖ୍ୟ ଚେତନ ଶର୍ମା ଇଂଲଣ୍ଡରେ ରୋହିତ ଶର୍ମା, କୋହଲି, ଯଶପ୍ରୀତ ବୁମରାହ ଓ ରିଷଭ ପନ୍ତଙ୍କ ସହ ଏ ନେଇ ଆଲୋଚନା କରିବା ପରେ ଚୂଡାନ୍ତ ନିଷ୍ପତି ନେବେ । ଇଂଲଣ୍ଡ ବିପକ୍ଷ ଟି୨୦ ପାଇଁ ଭାରତୀୟ ଦଳ ସାଉଥାମ୍ପଟନ ଗସ୍ତରେ ଯାଇ ସାରିଛନ୍ତି । ରୋହିତ ଶର୍ମା ଦ୍ୱିତୀୟ ଟି୨୦ ପୂର୍ବରୁ ଦଳ ସହିତ ଯୋଗ ଦେବେ । ସେ ଏବେ ବର୍ମିଂହାମରେ ଅଛନ୍ତି ।
Comments are closed.