ନୂଆଦିଲ୍ଲୀ: ଆନ୍ତର୍ଜାତୀୟ ଫୁଟବଲ ଫେଡେରେଶନ (ଫିଫା) ଭାରତୀୟ ଫୁଟବଲ ମହାସଂଘଙ୍କୁ ନିଲମ୍ବିତ କରିଛି । ଏହି ଘଟଣାରେ ଭାରତ ସରକାର ମୁଣ୍ଡ ପୂରାଇ ଶୀଘ୍ର ଏହି ସମସ୍ୟାର ସମାଧାନର ରାସ୍ତା ବାହାର କରିବା ପାଇଁ ସୁପ୍ରିମକୋର୍ଟଙ୍କ ନିକଟରେ ଅନୁରୋଧ କରିଛନ୍ତି । ସଲିସିଟର ଜେନେରାଲ ତୁଷାର ମେହେଟ୍ଟା ମାମଲାକୁ ସୁପ୍ରିମକୋର୍ଟରେ ଉପସ୍ଥାପନ କରିବା ସହ କାଲି ଏହି ଘଟଣାର ଶୁଣାଣୀ କରିବା ପାଇଁ ଅନୁରୋଧ କରିଛନ୍ତି । ମଙ୍ଗଳବାର ଫିଫା ତୃତୀୟ ପକ୍ଷର ହସ୍ତକ୍ଷେପ ଯୋଗୁ ଏହାର ନିୟମ ଓ ସମ୍ବିଧାନର ଉଲ୍ଲଂଘନ ହୋଇଥିବା ଦର୍ଶାଇ ଏଆଇଏଫଏଫକୁ ନିଲମ୍ବିତ କରିଛି । ୮୫ ବର୍ଷ ଇତିହାସରେ ଫିଫା ପ୍ରଥମ ଥର ପାଇଁ ନିଲମ୍ବିତ ହୋଇଛନ୍ତି । ଫିଫାର ଏହି କଠୋର ନିଷ୍ପତି ଯୋଗୁ ଅକ୍ଟୋବରରେ ହେବାକୁ ଥିବା ୧୭ ବର୍ଷରୁ କମ ମହିଳା ବିଶ୍ୱକପ ଆୟୋଜନ ଅଧିକାର ଭାରତକୁ ହରାଇବାକୁ ପଡିଛି । ବୁଧବାର ଶୁଣାଣୀ ପରେ ଏହି ଘଟଣାର ସ୍ଥିତି ସ୍ପଷ୍ଟ ହେବ ବୋଲି ଆଶା କରାଯାଉଛି ।
Comments are closed.