ଭୁବନେଶ୍ୱର: ଓଡିଶା ସବ ଜୁନିୟର ପୁରୁଷ ହକି ପ୍ରତିଯୋଗିତାର ଫାଇନାଲରେ ସୁନ୍ଦରଗଡ ଓ କିଟ/କିସ ମଧ୍ୟରେ ମୁକାବିଲା ହେବ । ହକି ଆସୋସିଏଶନ ଅଫ ଓଡିଶା ଆନୁକୂଲ୍ୟରେ ଏହି ଚାମ୍ପିୟନଶିପ ଆୟୋଜିତ ହେଉଛି । ଗୁରୁବାର ଅନୁଷ୍ଠିତ ସେମିଫାଇନାଲ ମୁକାବିଲାରେ ସୁନ୍ଦରଗଡ ୩-୧ ଗୋଲରେ ଢେଙ୍କାନାଳକୁ ପରାସ୍ତ କରିଥିବା ବେଳେ କିଟ/କିସ ୟୁନିଭରସିଟି ୨-୦ରେ ଦେଓଗଡକୁ ହରାଇ ଫାଇନାଲକୁ ଉନ୍ନୀତ ହୋଇଛନ୍ତି । ପୂର୍ବରୁ କ୍ୱାର୍ଟର ଫାଇନାଲରେ ସୁନ୍ଦରଗଡ ୭-୦ରେ ଏସଏମଏସ ହକି ଏକାଡେମୀକୁ, କିଟ/କିସ୩-୨ରେ ସମ୍ବଲପୁରକୁ, ଢେଙ୍କାନାଳ ୨-୧ରେ ନୟାଗଡକୁ ଓ ଦେଓଗଡ ୨-୧ରେ ଝାରସୁଗୁଡାକୁ ପରାସ୍ତ କରିଥିଲେ ।
ସମସ୍ତ ଜିଲ୍ଲା, ଏକାଡେମୀ ଓ ଇନଷ୍ଟିଚ୍ୟୁଶନର ୫୦୦ ପ୍ରତିଯୋଗୀ ଏଥିରେ ଅଂଶଗ୍ରହଣ କରୁଛନ୍ତି । ଯୁବ ଖେଳାଳିଙ୍କ ପ୍ରଦର୍ଶନକୁ ଏଚଏଓର ସଭାପତି ଦିଲୀପ ତିର୍କୀ ଏହି ଅବସରରେ ଭୂୟସୀ ପ୍ରଶଂସା କରିଥିଲେ । ଏହା ମାଧ୍ୟମରେ ପ୍ରତିଭାବାନ ଖେଳାଳି ସମ୍ମୁଖକୁ ଆସିପାରିବେ ବୋଲି ସେ କହିଥିଲେ ।
Comments are closed.