ଭଦ୍ରକ: ଆଜି ଧାମନଗର ଉପନିର୍ବାଚନ ପାଇଁ ବିଜେପି ପକ୍ଷରୁ ପ୍ରାର୍ଥୀପତ୍ର ଦାଖଲ କରିବେ ସୂର୍ଯ୍ୟବଂଶୀ ସୂରଜ । ସକାଳ ୧୧ଟା ୫ ମିନିଟରେ ସୂର୍ଯ୍ୟବଂଶୀ ସୂରଜ ନିଜର ନାମାଙ୍କନ ପତ୍ର ଭଦ୍ରକ ଜିଲ୍ଲାପାଳଙ୍କ କାର୍ଯ୍ୟାଳୟରେ ଦାଖଲ କରିବା ନେଇ ସୂଚନା ମିଳିଛି । ଏନେଇ ସମସ୍ତ ପ୍ରସ୍ତୁତି ସରିଥିବା ବେଳେ ରାଜ୍ୟ ବିଜେପିର ସମସ୍ତ ବରିଷ୍ଠ ନେତା ଧାମନଗରରେ ଉପସ୍ଥିତ ରହିଛନ୍ତି ।
ଦିବଂଗତ ନେତା ବିଷ୍ଣୁ ସେଠୀଙ୍କ ପୁଅ ହେଉଛନ୍ତି ସୁରୋଜ । ତାଙ୍କୁ ଦଳ ଟିକେଟ ଦେଇଛି । ଗତ ଦୁଇ ଦିନ ଧରି ବିଜେପି ନେତାମାନେ ଭଦ୍ରକରେ ଡେରା ପକାଇଛନ୍ତି । ଆଜି ଦଳ ପକ୍ଷରୁ ଏକ ବିରାଟ ରାଲି କରାଯିବା ପରେ ନାମଙ୍କନ ପତ୍ର ଦାଖଲ କରିବାର କାର୍ଯ୍ୟକ୍ରମ ରହିଛି ।
ସେପଟେ ଧାମନଗର ଉପନିର୍ବାଚନ ଲାଗି ଆଜି କଂଗ୍ରେସ ତାର ପ୍ରାର୍ଥୀ ଘୋଷଣା କରିପାରେ । ଏନେଇ ସୂଚନା ଦେଇଛନ୍ତି ପିସିସି ସଭାପତି ଶରତ ପଟ୍ଟନାୟକ ।
Comments are closed.