ବ୍ରହ୍ମପୁର: ଛତ୍ରପୁରସ୍ଥିତ ଜିଲାପାଳଙ୍କ ସମ୍ମିଳନୀ କକ୍ଷଠାରେ ଗୁରୁବାର ଜିଲା ଗ୍ରାହକ ସୁରକ୍ଷା ପରିଷଦର ପ୍ରଥମ ବୈଠକ ଜିଲାପାଳ ତଥା ଗ୍ରାହକ ସୁରକ୍ଷା ପରିଷଦର ଅଧ୍ୟକ୍ଷ ଦିବ୍ୟଜ୍ୟୋତି ପରିଡା ସଭାପତିତ୍ବ କରିଥିଲେ। ତେବେ ଏହି ବୈଠକରେ ଗୋପାଳପୁର ବିଧାୟକ ପ୍ରଦୀପ କୁମାର ପାଣିଗ୍ରାହୀ ଯୋଗଦେଇଥିଲେ । ୨୦୨୦ ନଭେମ୍ବରରେ ଟାଟା କମ୍ପାନିରେ ନିଯୁକ୍ତିରେ ଠକେଇ ଅଭିଯୋଗରେ ପ୍ରଦୀପ ଗିରଫ ହେବା ଏବଂ ପରେ ବିଜେଡ଼ିରୁ ନିଲମ୍ବିତ ହୋଇଥିଲେ । ତା’ ପରଠୁ ତାଙ୍କୁ ଆଉ କୌଣସି ସରକାରୀ ବୈଠକ କିମ୍ବା କାର୍ଯ୍ୟକ୍ରମରେ ଦେଖିବାକୁ ମିଳୁନଥିଲା। ଏନେଇ ଅନେକ ଥର ବିଧାୟକ ପାଣିଗ୍ରାହୀ କହିଥିଲେ ଯେ, ପ୍ରଶାସନ ତରଫରୁ ତାଙ୍କୁ ସରକାରୀ ବୈଠକ ସଂପର୍କରେ ସୂଚନା ଦିଆଯାଉ ନାହିଁ କିମ୍ବା ନିମନ୍ତ୍ରଣ କରାଯାଉ ନାହିଁ। ଏନେଇ ସେ ବାରମ୍ବାର ସରକାରଙ୍କୁ ଟାର୍ଗେଟ କରୁଥିଲେ। ତେବେ ଗୁରୁବାରର ବୈଠକ ସଂପର୍କରେ ପୂର୍ବରୁ ସମସ୍ତ ବିଧାୟକ ଏବଂ ପରିଷଦର ସଦସ୍ୟମାନଙ୍କୁ ଗତ ୬ ତାରିଖରେ ଅତିରିକ୍ତ ଜିଲାପାଳଙ୍କ ତରଫରୁ ଚିଠି କରାଯାଇଥିଲା। ଏହି ଚିଠି ବିଧାୟକ ପାଣିଗ୍ରାହୀଙ୍କ ପାଖରେ ପହଞ୍ଚିଥିଲା। ଚିଠି ପାଇବା ପରେ ସେ ବୈଠକରେ ଯୋଗଦେଇଥିଲେ । ତେବେ ପୂର୍ବରୁ ସରକାରୀ ଚିଠି ତାଙ୍କ ପାଖକୁ ଯାଉନଥିବା ବେଳେ ଏହି ବୈଠକର ଚିଠି କେମିତି ଗଲା, ତାହାକୁ ନେଇ ଏବେ ଚର୍ଚ୍ଚା ଜୋର୍ ଧରିଛି। ପୂର୍ବରୁ ପ୍ରଶାସନ ତରଫରୁ ଡକାଯାଉନଥିବା ବେଳେ ଏହି ବୈଠକକୁ ଡକାଯାଇଥିବା ଯୋଗୁ ଆସିଥିବା ବିଧାୟକ ପାଣିଗ୍ରାହୀ ଗଣମାଧ୍ୟମକୁ କହିଥିଲେ। ବୈଠକରେ ଖଲିକୋଟ ବିଧାୟିକା ସୂର୍ଯ୍ୟମଣୀ ବୈଦ୍ୟଙ୍କ ସମେତ ପ୍ରଶାସନିକ ଅଧିକାରୀ ଏବଂ ପରିଷଦର ସଦସ୍ୟମାନେ ଉପସ୍ଥିତ ଥିଲେ।
BREAKING NEWS
- ମତଦାନ ସମୟରେ ଭଞ୍ଜନଗର ବୁଥ୍ ଭିତରେ ହିଂସା, ବୁଥ୍ ରିଗିଂ କରୁଥିବା ଅଭିଯୋଗ
- ୨୫ ବର୍ଷ ପରେ ଓଡ଼ିଶା ନୂଆ ଇତିହାସ ରଚିବ:ମୋଦି
- ଘସିପୁରା ଗୁଣ୍ଡାଗର୍ଦ୍ଦିକୁ ନେଇ ସିଇଓଙ୍କ ଚେତାବନୀ: ହିଂସା ପ୍ରତି ଜିରୋ ଟଲେରାନ୍ସ ନୀତି ଗ୍ରହଣ କରାଯିବ
- ରାଜ୍ୟରେ ଦ୍ବିତୀୟ ପର୍ଯ୍ୟାୟ ଭୋଟିଂ; ୧୧ଟା ସୁଦ୍ଧା ୨୧ ପ୍ରତିଶତ ମତଦାନ
- ବିଜେପି ସରକାର ଆସିଲେ ଓଡ଼ିଶାରେ ଧାନ ୩୧୦୦ ଟଙ୍କା ହେବ:ମୋଦି
- ରତ୍ନ ଭଣ୍ଡାର ଚାବି ଗାଏବ ପଛରେ ବିଜେଡି, ବିଜେପି ସରକାର ଆସିଲେ ଯାଞ୍ଚ ରିପୋର୍ଟ ହେବ ସାର୍ବଜନୀନ
- ଯେକୌଣସି ସ୍ତରକୁ ଯାଇପାରନ୍ତି ପ୍ରଧାନମନ୍ତ୍ରୀ, କେଜ୍ରିୱାଲଙ୍କୁ ଆକ୍ରମଣ କରିବା ପାଇଁ ବିଜେପି ରଚିଛି ଷଡ଼ଯନ୍ତ୍ର: ସଞ୍ଜୟ ସିଂ
- ଓଡିଶା ସୁରକ୍ଷିତ ନାହିଁ, ଏଥିପାଇଁ ଦାୟୀ ମୁଖ୍ୟମନ୍ତ୍ରୀଙ୍କୁ ନିଜ କବ୍ଜାରେ ରଖିଥିବା ଭ୍ରଷ୍ଟାଚାରୀ
- ଶ୍ରେଷ୍ଠ ସଂସଦୀୟ ପୁରସ୍କାର ଜିତିବାକୁ ଚାହାଁନ୍ତି ବିଜେପି ପ୍ରାର୍ଥୀ କଙ୍ଗନା ରଣାୱତ
- ଅକ୍ସନ ପଲିସି ଉପରେ ନିର୍ଭର କରୁଛି ଧୋନୀଙ୍କ ଅବସର ନିଷ୍ପତି