ମୁମ୍ବାଇ: ବଲିଉଡ ଅଭିନେତା ରଣଭୀର ସିଂ ତାଙ୍କର ଦମଦାର ଅଭିନୟ ସହ ତାଙ୍କର ଅତରଙ୍ଗି ଫ୍ୟାଶନ ସେନ୍ସ ପାଇଁ ଜଣାଶୁଣା। ଅଭିନେତା ଯେଉଁଆଡେ ଯାଆନ୍ତି ସମସ୍ତଙ୍କୁ ନିଜର କର ନିଅନ୍ତି। ରଣଭୀର ସିଂଙ୍କୁ ବଲିଉଡର ମୋଷ୍ଟ ଏନାର୍ଜେଟିକ ଅଭିନେତା ମଧ୍ୟ କୁହାଯାଏ। ରଣଭୀର ପ୍ରତ୍ୟେକ କାର୍ଯ୍ୟ ପାଇଁ ସବୁବେଳେ ପ୍ରସ୍ତୁତ ଥାନ୍ତି। ଅଭିନେତା ମଧ୍ୟ ନିଜ କାମ ସହିତ ଏକ ସ୍ୱତନ୍ତ୍ର ପରିଚୟ ସୃଷ୍ଟି କରିଛନ୍ତି। ଅନେକ ବ୍ୟାକ୍ ଟୁ ବ୍ୟାକ୍ ହିଟ୍ ଫିଲ୍ମ ମାଧ୍ୟମରେ ସେ ଲୋକଙ୍କ ହୃଦୟରେ ଏକ ସ୍ୱତନ୍ତ୍ର ସ୍ଥାନ ସୃଷ୍ଟି କରିଛନ୍ତି।
ରଣଭୀର ସିଂ ବଲିଉଡ ଇଣ୍ଡଷ୍ଟ୍ରିରେ ୧୨ ବର୍ଷ ପୂରଣ କରିଛନ୍ତି। ସେ ୨୦୧୦ ମସିହାର ଚଳଚ୍ଚିତ୍ର ବ୍ୟାଣ୍ଡ ବାଜା ବାରାତ୍ ସହିତ ନିଜର କ୍ୟାରିୟର ଆରମ୍ଭ କରିଥିଲେ। ଏହି ଫିଲ୍ମରେ ଅନୁଷ୍କା ଶର୍ମା ତାଙ୍କ ସହ ମୁଖ୍ୟ ଭୂମିକାରେ ଥିଲେ। ରଣଭୀର ପ୍ରତ୍ୟେକ ଥର ନିଜକୁ ପ୍ରମାଣିତ କରିଛନ୍ତି। କମେଡି ଠାରୁ ଆରମ୍ଭ କରି ଶକ୍ତିଶାଳୀ ଚରିତ୍ର ପର୍ଯ୍ୟନ୍ତ ସମସ୍ତ ପ୍ରକାର ଅଭିନୟ କରିଛନ୍ତି। ରଣଭୀର କେବଳ ଜଣେ ଅଭିନେତା ଭାବରେ ନୁହେଁ ବରଂ ଜଣେ ଭିଲେନ୍ ଭାବରେ ମଧ୍ୟ ଭଲ ରୋଲ କରିଛନ୍ତି। ଏହି ସମୟରେ ରଣଭୀର ସିଂଙ୍କୁ ମାରାକେଶ ଆନ୍ତର୍ଜାତୀୟ ଫିଲ୍ମ ଫେଷ୍ଟିଭାଲରେ ସମ୍ମାନିତ କରାଯିବ ବୋଲି ଖବର ଆସିଛି।
ନଭେମ୍ବର ୧୧ ରୁ ୧୯ ପର୍ଯ୍ୟନ୍ତ ମାରୋକୋରେ ମାରାକେଶ ଆନ୍ତର୍ଜାତୀୟ ଚଳଚ୍ଚିତ୍ର ମହୋତ୍ସବ ଅନୁଷ୍ଠିତ ହେବାର କାର୍ଯ୍ୟକ୍ରମ ରହିଛି। ଏହି ଫିଲ୍ମ ଫେଷ୍ଟିଭାରଲରେ ରଣଭୀରଙ୍କୁ Etoile d’or ରେ ସମ୍ମାନିତ କରାଯିବ। ଏହି ଖବର ସାମ୍ନାକୁ ଆସିବା ପରେ ଅଭିନେତାଙ୍କ ପ୍ରଶଂସକମାନେ ବହୁତ ଖୁସି ଅଛନ୍ତି। ଏହା ପୂର୍ବରୁ ଶାହାରୁଖ ଖାନ, ଆମୀର ଖାନ ଏବଂ ଅମିତାଭ ବଚ୍ଚନ ମଧ୍ୟ ଏହି ସମ୍ମାନ ଗ୍ରହଣ କରିଛନ୍ତି। ବର୍ତ୍ତମାନ ଏହି ତାଲିକାରେ ବଲିଉଡର ଜଣେ ନୂଆ ଅଭିନେତାଙ୍କ ନାମ ମଧ୍ୟ ଅନ୍ତର୍ଭୁକ୍ତ କରାଯାଇଛି।
ରଣଭୀର ସିଂଙ୍କ ବ୍ୟତୀତ ସ୍କଟଲ୍ୟାଣ୍ଡର ଅଭିନେତା ତିଲଡା ସ୍ୱିଣ୍ଟନ୍, ଆମେରିକାର ପ୍ରସିଦ୍ଧ ଚଳଚ୍ଚିତ୍ର ନିର୍ମାତା ଜେମ୍ସ ଗ୍ରେ ଏବଂ ମୋରୋକୋ ଚଳଚ୍ଚିତ୍ର ନିର୍ମାତା ଫରିଦା ବେନଲିୟାଜିଦଙ୍କୁ ମଧ୍ୟ ଏହି ଚଳଚ୍ଚିତ୍ର ମହୋତ୍ସବରେ ସମ୍ମାନିତ କରାଯିବ। ରଣଭୀରଙ୍କ ଅନୁଯାୟୀ ସେ ଏଥିପାଇଁ ବହୁତ ଉତ୍ସାହିତ ଏବଂ ସମସ୍ତଙ୍କ ପାଇଁ କୃତଜ୍ଞ। ୱାର୍କ ଫ୍ରଣ୍ଟରେ ରଣଭୀର ସିଂ ଖୁବ୍ ଶୀଘ୍ର ରୋହିତ ଶେଟ୍ଟୀଙ୍କ ଫିଲ୍ମ ସର୍କସରେ ନଜର ଆସିବେ।
Comments are closed.