ତାଳଚେର: ପଢ଼ିବା ପାଇଁ ଯାଉଥିବା ଯୁବତୀଙ୍କୁ କମେଣ୍ଟ ମାରି ମାଡ ଖାଇଲେ ଯୁବକ । ପରେ ତାକୁ ଲଣ୍ଡା କରି ଦାଣ୍ଡରେ ବୁଲାଇଲେ ଗ୍ରାମବାସୀ । ତାଳଚେର ସ୍ଥିତ ବାଲୁଙ୍ଗା ଗାଆଁରେ ଏଭଳି ଘଟଣା ଦେଖିବାକୁ ମିଳିଛି ।
ବାଲୁଙ୍ଗା ଗ୍ରାମର ଯୁବତୀମାନେ କଲେଜ କୁ ପାଠ ପଢିଯିବା ବାଟରେ ସ୍ଥାନୀୟ ଅଞ୍ଚଳର ତିନି ଜଣ ଯୁବକ ସେମାନଙ୍କୁ କମେଣ୍ଟ ମାରୁଥିଲେ ଏବଂ ଅଶ୍ଳିଳ ଇଂଗିତ ମଧ୍ୟ କରୁଥିଲେ । ଯୁବତୀ ମାନେ ଏକଥା ଗାଁରେ ଜଣାଇଥିଲେ ଏବଂ ଏହି ତିନି ଯୁବକଙ୍କୁ ଧରିବା ପାଇ ଯୋଜନା କରିଥିଲେ ଗ୍ରାମବାସୀ । ଆଜି ପୁଣି ସମ୍ପୃକ୍ତ ତିନି ଯୁବକ କଲେଜ ଯାଉଥିବା ଯୁବତୀଙ୍କୁ କମେଣ୍ଟ କରିଲା ବେଳେ ଗ୍ରାମବାସୀ ସେମାନଙ୍କୁ ଧରିଥିଲେ । ତେବେ ସେମାନଙ୍କ ମଧ୍ୟରୁ ଦୁଇ ଜଣ ଖସି ପଳାଇବାକୁ ସକ୍ଷମ ହୋଇଥିବା ବେଳେ ଜଣକୁ କାବୁ କରିଥିଲେ ଗ୍ରାମବାସୀ । ଏହି ସମ୍ପର୍କ ରେ ସୂଚନା ପାଇ ତାଳଚେର ପୋଲିସ ଗାଁରେ ପହଞ୍ଚି ସଂପୃକ୍ତ ଯୁବକକୁ ଉଦ୍ଧାର କରିଥିଲା ଓ ଅନ୍ୟ ଦୁଇ ଜଣ ଯୁବକକୁ ଆଣି ଅଟକ ରଖିଛି ପୋଲିସ୍ ।
Comments are closed.